Аҧсны Аҳәынҭқарра Ахада

 

Аҧсны Аџьынџьтәылатә еибашьра аналагаз аахыс 26 шықәса аҵра инамаданы Ахада иҟаиҵаз Ааҧхьара

14.08.2018

Нанҳәамза 14 рзы Аҧсны Аҳәынҭқарра Ахада Рауль Ҳаџьымба Аҧсны Аџьынџьтәылатә еибашьра аналагаз аахыс 26 шықәса аҵра инамаданы ааҧхьара ҟаиҵеит.

Акыр иаҧсоу ҳауаажәлар! Акыр иаҧсоу аветеранцәа! 
26ш. раҧхьа Аҧсны излагаз ашьаарҵәыратә еибашьра зықьҩыла ауаа рыҧсҭазаара агеит. Ари амш аҽны  ҳара иаҳгәалаҳршәоит аҭынч ҧсҭзаара азин ҳазҭаз, аҭынч жәҩан аҵаҟа ҳанхартә  ҳҟазҵаз,  ҳхәыҷқәа аҧеиҧш лаша рызҭаз зегьы.
Ҳаҧсадгьыл ахьчара иазгылеит Аҧсны иқәынхо реиҧш, уи анҭыҵынтә милаҭ рацәала ауаа. Ҳаибашьцәа рфырхаҵара, рыгәаӷьра, ргәымшәара Аиааира ҳзаанагеит, иаҳнаҭеит Ахьыҧшымра! Аҧсадгьыл ахьчаҩцәа рфырхаҵара ҳажәлар ргәалашәараҿы наунагӡа иаанхоит.

Абри амш аҽны ҳара даҳгәалаҳаршәоит иара убас раҧхьатәи ҳ-Хада, Адҵаҟаҵаҩхада Владислав Арӡынба. Зеиҧш ыҟам иҟыбаҩи идоуҳамчи ирыбзоураны ҳажәлар аӡәк иеиҧш Аҧсадгьыл ахьчаразы игылеит, мычла акырӡа дара иреиҳаз ирабашьит, аиааирагьы иргеит.

Рыхьӡ кашәара ақәым ҳаибашьцәа хьӡырҳәага! Аҭынчреи аизҳазыҕьареи рыгымзааит Аҧсны жәлар! 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT