Аҧсны Аҳәынҭқарра Ахада

 

Рауль Ҳаџьымбеи Анатоли Бибилови ҭелла реицəажəара

08.08.2018

Нанҳəамза 8 рзы,  жəашықəса раҧхьа  Алада Уаҧстəыла Ареспубликаҿы излагаз аибашьра инамаданы, Аҧсны Аҳəынҭқарра Ахада Рауль Ҳаџьымбеи Алада Уаҧстəыла Ахада Анатоли Бибилови ҭелла реицəажəара мҩаҧысит.

"Нанҳəамза 2008 шықəса рзы иҟалаз ахҭыс бааҧсқәа Аҧсни Алада Уаҧстəылеи ажəларқəа ргəалашəараҿы наунагӡа иаанхоит. Абри амш аҽны
ҳара ҩаҧхьа гəалсра дула ишҳадаҳкылаз атәы ҳҳәар ҳҭахуп аибашьра хлымӡаах аҟны ауаа рҭахара, урҭ рыуацəеи рҭынхацəеи рхьаа шрыцеиҩаҳшо. Аҧсадгьыл ахьчаҩцəа хашҭра рықəым, харада ақырҭуа қәылаҩцәа рагрессиа иалаӡыз зегьы ргəалашəара ҳацуп.

Ауаҧс жəлар рфырхаҵареи Урыстəылатəи Афедерациа анапхгара усҟан иҟарҵаз ашьаҿеи ирыбзоураны, иахьа Алада Уаҧстəыла аҭынчра шьақəгылеит.
Агəра згоит,  ҳарт ҳажəларқəа рыиашьареи, реиҩызареи, русеицзуреи  аҧхьаҟа иҵегьы ишыҕәҕәахо. Ҳаиашьаратə республика иқəынхо зегьы хаҭа-хаҭала ирзеиҕьасшьоит аизҳазыҕьара, аҭынч ҧсҭазаара”, - иҳəеит Рауль Ҳаџьымба.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT