Аҧсны Аҳәынҭқарра Ахада

 

Ахада Гагра араион аҟны иҟоу аҭагылазаашьа иазку аилацәажәара мҩаҧигеит Администрациа ахыбраҟны

07.08.2018

Ахада Гагра араион аҟны иҟоу аҭагылазаашьа иазку аилацәажәара мҩаҧигеит  Администрациа ахыбраҟны

Нанҳәамза 7 рзы Аҧсны Аҳәынҭқарра Ахада Рауль Ҳаџьымба Гагра араион аҟны ҳазҭагылоу аамҭазы иҟоу аҭагылазаашьа инамаданы аилацәажәара мҩаҧигеит. Аиҧылара мҩаҧысит араион Администрациа ахыбраҟны.

Аҳәынҭқарра Ахада иаҵшьны иҳәеит араион абиуџьеттә рбагақәа цәгьам ҳәа азуҳәартә ишыҟоу. Ахада араион аҟны ауадаҩрақәа ахьыҟоу усхкқәаны ишыҟоу – ашәахтәқәа реизгара, афымцамч, асанитрартә ҭагылазаашьеи изакәанымкәа аргыларақәа рымҩаҧгареи.

Араионтә шәахтә инспекциа аиҳабы Гьаргь Агрба иҳәеит 2018 шықәса актәи азбжазы акурорттә усхк аҟны инагӡоу арбагақәа 81% рҟынӡа иҟоуп ҳәа азгәеиҭеит. Иҳәеит нанҳәамзеи цәыббрамзеи рыла аҭагылазаашьа акырӡа иеиҕьхоит игәы ишаанаго. Гьаргь Агрба иазгәеиҭеит иҳаҩсыз ашықәс азы илхым адгьылтә шәахтәи Изыцҵоу ахәҧсазы ашәахтәи маҷымкәа ишыҟоу.

Ашәахтәқәеи аизгатәқәеи рзы аминистр Даур Кәырмазиа далацәажәеит анаплакқәа рыҧхьаӡамҭақәеи раҳасабырбақәеи рҭагылазаашьеи ашәахтәшәаҩцәа рымҽхак инарҭбааны ахархәарала ашәахтәқәҵаратә базеи реиҕьтәразы аусбарҭақәа иҟарҵо ашьаҿақәа ртәы.

Аҳәынҭқарра Ахада иаҵшьны иҳәеит азакәанҧҵара инақәыршәаны аҳәынҭқарра иалагалатәу ашәатәқәа реизгаразы аусура аҭыҧ ишықәҵатәу.

Гагра араион администрациа ахада Геннади Сыҷынаа атәыла Ахада адырра ииҭеит Араион фымцамчтә станциеи АУН “Амшынеиқәафымцамч” "Афымцамчхархәара" аҿгеи афымцамч ахархәаразы инырхуа аҧара аизырҳаразы еицымҩаҧырго аусура атәы. Аиҧылараҿы ирзааҭгылан ари аусхк аҟны аҭагылазаашьа еиӷьызтәуа иҵегьы шьаҿақәас иҟаҵатәу.


Аиҧылараҿы атәыла Ахада Гагра араион ахадеи, Апрокуратура аусбарҭақәеи,  Аҩныҵҟатәи аусқәа рминистрреи адҵа риҭеит араион аҩныҵҟа  идыргыло ахыбрақәа иҷыдоу ахылаҧшра рыҭаразы.
Атәыла Ахада иара убас араиони ақалақьи рыҩныҵҟа асанитартә ҭагылазаашьа аиӷьтәразы имҩаҧгоу ауснагӡатәқәа дрызҵааит. Геннади Сыҷынаа атәыла Ахада агәра ииргеит  агәам-сам еиҳа лассы-лассы алгара ишалаго азы.

Ахада инаҵшьны иазгәеиҭеит ицәырҵуа азҵаарақәа зегьы  изыхәҭоу аусбарҭақәа еиҳа ирласны ирыӡбаларц шакәу.
--

 

 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT