Аҧсны Аҳәынҭқарра Ахада

 

Атәылахьчара аминистр Ахада диирдырит Аԥсны Аҳәынҭқарра Арбџьарымчқәа рыштаб хада аиҳабы имаҵурахьы акандидат

02.08.2018

Нанҳәамза 2 рзы Атәылахьчара аминистр Мираб Қьышьмариа Аԥсны Аҳәынҭқарра Ахада Рауль Ҳаџьымба диирдырит Аԥсны Аҳәынҭқарра Арбџьарымчқәа рыштаб хада             аиҳабы имаҵурахьы акандидат, аинрал-маиор Уасил Луниов.

Ахада иазгәеиҭеит, атәыла арбџьарымчқәа рырӷәӷәаразы аусура ишацҵахо.

„Иҳаҩсыз ашықәсқәа рзы имҩаԥгаз аусурақәа ирыцаҳҵоит. Агәра згоит, Шәара иаарласны аколлективи, Атәылахьчара аминистрра ашәарҭадара ахьчаразы имҩаԥнаго аусуреи ара иҟоу аусбарҭақәеи урыстәылатәи арратә еилазаара ахаҭарнакцәеи русеицзуразы имҩаҧысуа аусуреи шәышрышьцыло.

Шәара хаҭала шәуснагӡатәқәа Урыстәылеи Аҧсни реимадара, Урыстәылатәи Афедерациа Атәылахьчара аминистрра ахаҭарнакцәеи ҳтәылаҿы иҟоу архәҭақәеи русеицзура арӷәӷәара иадҳәалоуп. Аԥхьаҟагьы ҳастратегиатә, ҳтәылахьчаратә усеицзура арҿиара иацаҳҵоит“, -иҳәеит атәыла Ахада.

Уасил Луниов Аԥсны анапхгара ирҭаз агәрагаразы иҭабуп ҳәа реиҳәеит.

„Аԥсны анапхгара исырҭаз агәрагаразы ҭабуп ҳәа расҳәарц сҭахуп. Ҳазҭагылоу аамҭа мариаӡам, сара сгәаанагарала, Атәылахьчара аминистрра аҿаԥхьа иқәгылоу азҵаара хадақәа ируакуп, аҭынчра ахьчара. Убри саргьы сусураҿы уснагӡатә хаданы сҿаҧхьа иқәгылоу. Иахьа, Атәылахьчара аминистрраҟны имҩаԥысыз аизараҟны ҳрылацәажәон азеиԥш ҳәааҿы ицо арҵаратә ҽазыҟаҵарақәа. Хымԥада, иаарҧшыз амчқәа ҳара ҳҟынтә ирықәнагоу азнеишьа амазароуп“, - иазгәеиҭеит Уасил Луниов.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT