Аҧсны Аҳәынҭқарра Ахада

 

Ахада Тарас Шамба ииубилеи идиныҳәалеит

29.07.2018

Ҧхынгәымза 29 рзы Аҧсны Аҳәынҭқарра Ахада Рауль Ҳаџьымба аиуристтә ҭҵаарадыррақәа рдоктор, Кавказ ажәларқәа Урыстәылатәи рконгресс ахантәаҩы, Урыстәылатәи аҳәынҭқарратә хәаахәҭра-економикатә университет апроректор Тарас Шамба 80 шықәса ихыҵра идиныҳәалеит.

Адныҳәалараҟны, ҷыдала, иҳәоуп:

«Ҳаҭыр зқәу Тарас Мирон-иҧа!

Гәык-ҧсыкала ишәыдысныҳәалоит 80-шықәсахыҵратәи аиубилеи.
​Шәара шәгәамч, шәиашара, ишәымоу аҧсҭазааратә ҧышәа ду, шәус гәык-ҧсыкала азнеишьа еицакра зқәым ахьӡи, аҳаҭырқәҵареи шәаҧсахартә иҟазҵаз роуп. Шәара ишәымоу азаанаҭдырра, шәҧышәа, аҭҵаарадырреи шәыжәлар рҭоурыхи рахь ишәымоу абзиабара шаҳаҭра шәзыруеит Шәара зыҧсадгьыли зыжәлари рымаҵура зқәашьу, уи зыҧсҭазаара ҵакыс иамоу уаҩык иаҳасабала.

 Идуӡӡоуп Шәара шәлагаламҭа аҧсуа ҳәынҭқарра ашьақәгылараҿы, аҧсуа, аурыс ҵараиура асистема арҿиараҿы, аҩаӡареи ахаҭабзиареи ашьҭыхраҿы.

Ҳаҭыр зқәу Тарас Мирон-иҧа, ишәзеиҕьасшьоит агәабзиара, аҭынчра, аихьӡарақәа, ақәра ду».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT