Аҧсны Аҳәынҭқарра Ахада

 

Аҧсны Аҳәынҭқарра Ахада Аҿартә политиказы аҳәынҭқарратә еилакы имҩаҧнагаз Аҧхынтә лагер иалахәыз дырҧылеит.

25.07.2018

Аҧсны Аҳәынҭқарра Ахада Аҿартә политиказы аҳәынҭқарратә еилакы имҩаҧнагаз Аҧхынтә лагер иалахәыз дырҧылеит.


Ҧхынгәымза 25 рзы Аҧсны Аҳәынҭқарра Ахада Рауль Ҳаџьымба Аҿартә политиказы аҳәынҭқарратә еилакы имҩаҧнагаз Аҧхынтә лагер иалахәыз аҿар дырҧылеит.

"Сгәы иаанагоит, алагер аҟны шәыҟазаара иалагӡаны Аҧсны иеиуеиҧшым акәакьқәа рыҟнытә иҟаз аҿар шәеизааигәахеит, шәеиҩызцәахеит. Ҳара ҳзы акраҵанакуеит ҳҿар аҧхьаҟа ҳтәылаҿы аиҭакрақәа рыҩаҧгара рылшо иҟалар. Аибашьра еилгеижьҭеи 25 шықәса ҵуеит, ҳәарада, иахьа зегьы еилаҳкаауазароуп зықәҩыла арҧарцәеи аҭыҧҳацәеи Аиааира рхы ззақәырҵаз. Хара имгакәа, шәара шәнапы ианылоит ҳҳәынҭқарра алахьынҵа. Ҳазҭагылоу аамҭа мариаӡам, аполитикатә еибахеибафарақәа рҭагылазаашьаҿы иҟоу адунеитә проблемақәа ҳаргьы ҳрыларкуеит. Убри аан иаҳҭахуп ҳара зхатә ҳәынҭқарра аргылара иаҿу, ҧеиҧш змоу жәларык аҳасабала ҳардыруазар. Иаартны аицәажаәара мҩаҧаҳгап ҳәа сгәы иаанагоит. Иарку, иаҳҵәахуа тема ҳамаӡам", - иҳәеит, ҷыдала, Ахада.

Аҿар аҳәынҭқарра Ахада иҭабуп ҳәа иарҳәеит гәаартыла ацәажәаразы, даргьы алагер аҟны рыҟазаара шымҩаҧысуа атәы изеиҭарҳәеит, ирҭеит аусурҭа ҭыҧқәа, амедицина аҿиара, аспорт, аекономика, аҿар ауаажәларра-политикатә ҧсҭазаара ралахәра, адәныҟатәи аполитика, амҩаҟны амашьына ныҟәцара ашәарҭадара, ашьхатә туризм уҳәа ирызкыз азҵаарақәа.
A65A4849 (Копировать).JPG
A65A5000 (Копировать).JPGA65A4599 (Копировать).JPG


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT