Аԥсны Ахада Адыгеиа Ареспублика Ахада Мураҭ Кумпилов диԥылоит

Ԥхынгәымза 21 рзы Аԥсны Аҳәынҭқарра Ахада Рауль Ҳаџьымба Адыгеиа Ареспублика Ахада Мураҭ Кумпилов диԥылоит.

Аиԥылараҿы Аԥсны Аҳәынҭқарреи Адыгеиа Ареспубликеи реизыҟазаашьақәа аҧхьаҟа рыҿиара иадҳәалоу азҵаарақәа ирылацәажәараны иҟоуп.

Мураҭ Кумпилов мышктәи усуратә визитла Аԥсны Аҳәынҭқарра даҭаауеит. Адыгеиа Ареспублика напхгара ззиуа аделегациа аилазаараҿы иҟоуп: Аҳәынҭқарратә Хеилак-Хасе Ахантәаҩы Владимир Нарожныи, Аԥыза-министр-Александр Наролин, Адыгеиа Ареспублика Ахада Иусбарҭеи Аминистрцәа реилазаареи рнапхгаҩы Мураҭ Ҭхакушинов, Агәабзиарахьчара аминистр Рустем Меретуков, Акультура аминистр Иури Аутлев, Аҵареи аҭҵаарадырреи рминистр Анзаур Керашев.


Возврат к списку