Аҧсны Аҳәынҭқарра Ахада

 

Николас Мадуро Боливариантәи Ареспублика Венесуела Ахьыҧшымра амш идныҳәалара

05.07.2018

Ҧхынгәымза 5 рзы Аҧсны Аҳәынҭқарра Ахада Рауль Ҳаџьымба Боливариантәи Ареспублика Венесуела Ахада Николас Мадуро Ахьыҧшымра амш идиныҳәалеит.

Ацҳамҭаҟны, ҷыдала, иҳәоуп:

«Гәык-ҧсыкала ишәыдысныҳәалоит хаҭала Шәара иара убас ажәлар зегьы аҳәынҭқарратә ныҳәа - Боливариантәи Ареспублика Венесуела Ахьыҧшымра амш. 

Аҧсны анапхгареи ажәлари ахә ҳаракны иршьоит Аҧсны Аҳәынҭқарра ахьыҧшымра жәларбжьаратәи азхаҵара процесс аҟны Венесуела иҟанаҵаз алагаламҭа. Ҳҳәынҭқаррақәа рыбжьара ишьақәгылаз аиҩызареи аусеицуреи есышықәса аҕәҕәахара иаҿуп, аҵак ҿыц шьҭырхуеит.

Сгәы иаанагоит, аринахысгьы ҳажәларқәа реизҳазыҕьара иазку ахырхарҭақәа зегьы рыла лыҵшәа аманы ҳусеицуразы ҳара иҳалшо зегьы ҟаҳҵалоит ҳәа.

Аҭагылазаашьа схы иархәаны, ҳаҭыр зқәу Ахада, ишәзеиҕьасшьар сҭахуп агәабзиара, агәамч, аҳәынҭқарратә маҵзура ҳаракы аҟны аихьӡарақәа, Венесуела ажәлар ирзеиҕьасшьоит аҭынчреи аизҳазыҕьареи».

 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT