Аҧсны Аҳәынҭқарра Ахада

 

Ахада Тамшьтәи адесант 25-шықәсахыҵра иазку агәалашәаратә усмҩаҧгатәқәа дрылахәын

02.07.2018

Ахада Тамшьтәи адесант 25-шықәсахыҵра иазку агәалашәаратә усмҩаҧгатәқәа дрылахәын

 Ҧхынгәымза 2 рзы Аҧсны Аҳәынҭқарра Ахада Рауль Ҳаџьымба Тамшьтәи адесант 25-шықәсахыҵра иазку агәалашәаратә усмҩаҧгатәқәа дрылахәын.

Аҳәынҭқарра Ахада Тамшь ақыҭан Ахьӡ-аҧша абаҟа амҵан ашәҭқәа шьҭеиҵеит, амитинг иҽалаирхәит.

«Ҳаҭыр зқәу ҳауаажәлар! Ҳаҭыр зқәу анацәа, абацәа, аишьцәа, аиҳәшьцәа, ҳауаажәлар зегьы!

Аиашазы, абарҭ амшқәа рзы, 25 шықәса рышьҭахь абра амцашоура иалагылаз шәоуп иахьа ара игылоу зегьы. Агәра згоит, хацәнмырха игылаз ҳарҭ ҳаҷкәынцәа, ҳауаажәлар ирыдгыланы, иара убас хатә гәаԥхарала иааз рыцхыраара ишабзоурахаз иаҳгаз  Аиааира.

Аибашьра ашықәсқәа раан зегьы шәаӡәыкны шәышгылаз еиҧш, аҭынч ҧсҭазаарааҿгьы аҳәынҭқарра аргылараҟны аӡәк иеиҧш шәеидгылазароуп. Рыхьӡ кашәара ақәымзааит зыҧсадгьыл зхы ақәызҵаз афырхацәа! Хьӡи-ҧшеи рыгымзааит Аҧсны ахьчаразы зхатәгәаҧхарала иааны иҳадгылаз зегьы! Иҟазааит наунагӡа ҳадгьыл аҿы аҭынчра, аидгылара, аизыӡырҩра, бзиа аибабара!

Абзиарақәа шәзеиҕьасшьоит! Иҭабуп!», - иҳәеит, ҷыдала, Ахада иқәгылараҿы.

 

2 (2).JPG

 



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT