Аҧсны Аҳәынҭқарра Ахада

 

Ателеканал "Абаза-ТВ" шьақәгылеижьҭеи 11 шықәса ахыҵра амш адныҳәалара

26.06.2018

Рашәарамза 26 рзы, Аҧсны Аҳәынҭқарра Ахада Рауль  Ҳаџьымба ателехәаҧшратә канал аколлектив "Абаза-ТВ" шьақәгылеижьҭеи 11 шықәса ахыҵра амш рыдиныҳәалеит.

Адныҳәалараҿы, ҷыдала, иҳәоуп:

"Ҳаҭыр зқәу, ихьыҧшым раҧхьатәи ателехәаҧшратә канал "Абаза-ТВ" аусзуҩцәа!

Ишәыдысныҳәалоит ателехәаҧшратә канал ашьақәгылара амш!

"Абаза-ТВ" аусура аҧхьатәи амш инаркны, ирласны, насгьы обиективла, ахәаҧшцәа зхаҭабзиара ҳараку аалыҵ рызнагара алнаршоит. Хымҧада, уи аколлектив зегьы есҽнытәи рџьабаа иалҵшәоуп. 

"Абаза-ТВ" адиректор хада, Руслан Ҳашыг, илша рацәоуп ажурналистика ахырхарҭала еизҳауа абиҧара ҿа реиҵааӡара аус аҟны.

11 шықәса ирылагӡаны, Аҧсны аполитика, асоциал-економикатә зҵаарақәа, ҳтәыла аҭоурых, акультура уҳәа апроектқәа жәпакы ателехәаҧшратә ефирахь иҭыҵхьеит. 

Ишәзеиӷьасшьоит агәабзиара, арҿиаратә гәацҧыҳәара, аҧшьгара ҿыцқәа рынагӡара".


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT