Аҧсны Аҳәынҭқарра Ахада

 

Николас Мадуро иҟнытә Аҧсны Ахада ихьӡала асалам шәҟәы

25.06.2018

Адипломатиатә каналқәа рыла Аҧсны Аҳәынҭқарра Ахада ихьӡала асалам шәҟәы ааит Боливариантәи Ареспублика Венесуела Ахада Николас Мадуро иҟнытә.

Ашәҟәы аҟны, ҷыдала, иҳәоуп:

"Иаҳаракыра Аҧсны Аҳәынҭқарра Ахада                                                                                                                                                                         Рауль Ҳаџьымба иахь

Венесуела ажәлар, аиҳабыра рыҟнытә, хаҭала сара сыҟнытә идуӡӡаны иҭабуп ҳәа шәасҳәарц сҭахуп Боливариантәи Ареспублика Венесуела Ахадас ҿыц салхра инадҳәаланы гәык-ҧсыкала иҟашәҵаз адныҳәаларазы.

Гәахәара дула ажәа шәысҭоит Венесуелеи Аҧсни рыбжьара ҳажәларқәа реизҳазыҕьара иазку аусеицуразы иҿыцу альтернативатә хырхарҭақәа рырҕәҕәара хықәкыс иҟаҵаны, ҩ-ганктәи аизыҟазаашьақәа рырҭбааразы аиҩызаратәи аидгыларатәи еимадарақәа аҧхьаҟа инарҭбааны рырҿиара сшадгыло азы.

Аҭагылазаашьа схы иасырхәоит даҽазныкгьы хьаҳәа-ҧаҳәарада Аҧсны Аҳәынҭқарра жәларбжьаратәи азхаҵара адгылара шаҳҭо ашьақәырҕәҕәаразы.

Иара убас даҽазныкгьы исырҵабыргыр сҭахуп ганрацәазмоу адунеи ашьақәырҕәҕәареи, амилаҭтә суверенитет ахьчареи, аҳәынҭқаррақәа рыбжьара ақәнагеи аҭынчреи рыррҕәҕәара иазку аусеицура ҳгәы шазыҳәо атәы.

Шәара хаҭала шәганахьалеи фырхаҵара згым шәыжәлар рганахьалеи аџьшьареи, аҳаҭырқәҵареи, адгылареи аарҧшуа, абзиараз ҳәа шәасҳәоит ҳаҭыр ду шшәықәысҵо агәра шәырго.

Боливариантәи Ареспублика Венесуела Ахада                                                                                                                             Николас Мадуро Морос».

 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT