Аҧсны Аҳәынҭқарра Агәабзиарахьчара аусзуҩцәеи аветеранцәеи рыдныҳәалара

Рашәарамза 17 рзы Аҧсны Аҳәынҭқарра Ахада Рауль Ҳаџьымба Аҧсны Аҳәынҭқарра Агәабзиарахьчара аусзуҩцәеи аветеранцәеи рзанааҭтә ныҳәа рыдиныҳәалеит.

Адныҳәалараҟны, ҷыдала, иҳәоуп:

"Акыр иаҧсоу аҩызцәа!

Ишәыдысныҳәалоит Амедицинатә усзуҩы имш!

Шәара иалышәхыз азанааҭ ахамеигӡара, арыцҳашьара, ауаҩы ицхыраара, бзиа ибара ахьаҭаху занааҭуп. Есҽнытәи шәара шәусура ауаа ргәабзиара ахьчара, рыҧсҭазаара аиқәырхара иазкуп. Аҧсны атәылауаа ахә ҳаракны иршьоит шәара ааҧсарада урҭ ргәабзиара ахьчаразы имҩаҧыжәго аусура. Ҳара ҳтәыла агәабзиарахьчаратә усбарҭақәа рыҟны аус руеит ззанааҭ бзианы издыруа, аҧышәа ду змоу аспециалистцәа. Урҭ ирывагыланы агәабзиарахьчара аусхк ахь раҧхьатәи ршьаҿақәа еихыргоит ҳтәыла анҭыц аҵара зауз аҳақьымцәа рабиҧара ҿыц.

Иахьа шәара шәҿаҧхьа иқәгылоу ауснагӡатәқәа мариаӡам. Атәыла анапхгара хшыҩзышьҭра ду анаҭоит агәабзиарахьчара асистемаҟны аиҭакрақәа ралагалара, уи ахаҭабзиара ашьҭыхра. Ҩ-ганктәи аусеицура аҳәаа иҭагӡаны, урыстәылатәи шәколлегацәеи шәареи ҳәоуеиқәшәарала шәусура иабзоурахеит Аҧсны ауааҧсыра ихымҧадатәиу амедицинатә ҧгаҧсара асистема роуртә еиҧш алшара аҧҵара. Сара агәра згоит ари ҳтәылауаа зхаҭабзиара ҳараку амедицинатә цхыраара рыҭара шалнаршо.

Абри аныҳәа аҽны шәаргьы ишәзааигәоу шәҭынхацәагьы ишәзеиҕьасшьоит аҭынчра, аманшәалара, аизҳазыҕьара.

 


Возврат к списку