Аҧсны Аҳәынҭқарра Ахада

 

Ахада Аҧсны иқәынхо аҧсылманцәа Ураза-баирам рыдиныҳәалеит

15.06.2018

Рашәарамза 15 рзы Аҧсны Аҳәынҭқарра Ахада Рауль Ҳаџьымба Аҧсны иқәынхо аҧсылманцәа Ураза-баирам рыдиныҳәалеит. 

Адныҳәалараҟны, ҷыдала, иҳәоуп:

"Акыр иаҧсоу ҳџьынџьуаа!

Ишәыдысныҳәалоит иҧшьоу аныҳәа – Ураза-баирам.

Аҧсны милаҭрацәала ишьақәгылоу ҳәынҭқарроуп аҟнытә Ураза-баирам азгәаҭара мҩаҧысуеит ҳтәылаҿы иқәынхо амилаҭқәеи адинхаҵарақәеи рыбжьара аҳәоуеиқәшәареи аҳаҭыреиқәҵареи шьаҭас иаҭаны.

Ари аныҳәа лаша ҳауаажәлар доуҳала реизҳара, аиҩызареи аилибакаареи рырҕәҕәара иазкызааит.

Лыҧха змоу аныҳәа аҽны ҩнаҭацыҧхьаӡа ишәзеиҕьасшьоит агәабзиара, агәамч, аҭынчра, аизаҳазыҕьара". 



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT