Аҧсны Аҳәынҭқарра Ахада

 

Ахада Очамчыраҟа аусуратә ныҟәара мҩаҧигеит

14.06.2018

Ахада  Очамчыраҟа аусуратә ныҟәара мҩаҧигеит

Рашәарамза 13 рзы Аҧсны Аҳәынҭқарра Ахада Рауль Ҳаџьымба Очамчыраҟа аусуратә ныҟәара мҩаҧигеит, зыргылара иаҿу аобиектқәа рыхәаҧшразы.

Аҳәынҭқарра Ахада Аҧсны Аџьынџьтәылатә еибашьраҟны иҭахаз рбаҟа аргылара шымҩаҧысуа гәеиҭеит. ЗҲӘА «МДД» аргыларатә фирма Аиҳабы Максим Харчлаа Ахада имҩаҧгоу аусура азы адырра ииҭеит. Афинансзоужьра амҽхак иартәоит  10,3 миллион мсааҭ, уи ареспубликатә биуџьет ахархәагақәа рыҟнытә иаауеит. Аргыларатә усурақәа хыркәшоуп, асахьаркыратә усурақәа рыда. Аҳәынҭқарра Ахада иаҵшьны иҳәеит аргыларатә усурақәа Аџьынџьтәылатә еибашьраҿы Аиааира агара 25 шықәса ахыҵра азгәаҭара иахьӡар шакәу. 
«Иаҭаху аматериал зегьы аагоуп. Аиааира Амш ҳахьӡоит», - иҳәеит Максим Харчлаа.

Ахада иара убас араионтә АҬАР ахьыҟаз Очамчыра араион Аҳәынҭавтоинспекциа аусбарҭа, Атәылауаҩшәҟәтәы маҵзура, автошкол ахьыҟало ахыбраҟны ареспубликатә биуџьет ахархәагақәа рыла имҩаҧысуа арҿыцратә усурақәа дрыхәаҧшны ибеит.

Аҳәынҭқарра Ахада Аинвестициатә программала имҩаҧысуа ахәыҷ баҳча аргылара шымҩаҧысуа ибеит. АК «Аҧсныргылара» Адиректор хада Ҭемыр Тҟьебучаа Ахада адырра иҭеит аусура шымҩаҧысуа азы. 

«Аргылара дуқәа зегьы хыркәшоуп. Аблокқәа реиқәҵара иалагеит, хара имгакәа ахыб ақәҵара нап аркхоит. Уажәы аанда аргылара ҳаҿуп. Ихыбны ҳаналгалак, аҩныҵҟатәи аусурақәа рахь ҳаиасуеит. Аобиект апроект хәыҧса  129 миллион мааҭ артәоит, ахархәарахь ирыҭахоит  2019 шықәса актәи азбжа анҵәамҭазы», - иҳәеит Ҭемыр Тҟьебучаа.

Аҳәынҭқарра Ахада аусуратә ныҟәара аихшьала ҟаиҵеит.

 «Аџьынџьтәылатә еибашьраҟны иҭахаз рбаҟа аргылара мҩаҧысуеит. Ари азҵаара акыр ҵуеит  иӡбаӡамкәа иҟаижьҭеи. Иахьа аҧара азоужьуп, урҭ Аиааира Амш азы  аусурақәа зегьы рхыркәшара иазкуп. АУР аҟәшеиҵақәа ртәы ҳҳәозар, урҭ аиашазы, ирықәнагоу ахыбраҟны иҟам. Афинанстә зоужьра аҭахуп Аҳәынҭавтоинспекциа аусбарҭа, атәылауаҩшәҟәтәи маҵзура ахьиагахо ауадақәа разырхиаразы. Ҳәарада, АҬАР-гьы.  Адемографиа аҧеиҧш ҳазхәыцуеит, атәылауаа аҭаацәалалара ашьақәырҕәҕәаразы иахьнеиуа аҳәынҭқарра шырхылаҧшуа рбартә иҟазароуп. Арҭ ахыбрақәа зегьы ишақәнагоу аҟаҵаразы иаҭаху аҧарагьы ҳаҧшаауеит. Ахәыҷбаҳча акәзар, аусурақәа зегьы аҿҳәара иақәыршәаны имҩаҧысуеит. Аусурақәа анхыркәшахалак, ахәыҷқәа аџьџьаҳәа игәырҕьо иҩналартә иҟалоит ҳәа сгәы иаанагоит. Абас иҟазароуп  ҳҳәынҭқарра аҧеиҧш», - иҳәеит Ахада. 

A65A6426.JPGA65A6258.JPG


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT