Аҧсны Аҳәынҭқарра Ахада

 

Ахада АШӘМ Ҷыдалатәи ахықәкы змоу ацентр аҧҵара 20 шықәса ахыҵра иазку аофициалтә усмҩаҧгатәқәа дырҭааит

25.05.2018

Лаҵарамза 25 рзы Аҧсны Аҳәынҭқарра Ахада Рауль Ҳаџьымба Аҳәынҭқарратә шәарҭадара амаҵзура Ҷыдалатәи ахықәкы змоу ацентр аҧҵара 20 шықәса ахыҵра иазку аофициалтә усмҩаҧгатәқәа дырҭааит.

Аҳәынҭқарра Ахада Ҷыдалатәи ахықәкы змоу ацентр хаҭалатәи аилазаара аиубилеитә рыцхә рыдиныҳәалеит.

«Ари аамҭа иалагӡаны Ацентр лыҵшәа змоу архәҭа ҕәҕәаны иҟалеит. Шәара имҩаҧыжәго ахырхарҭақәа жәпакы ҷыдалатәиқәоуп, иаартны рырзарагьы ҟалаӡом. Иахьа ацентр имҩаҧнаго аусура Аҧсны Аҳәынҭқарра азакәанқәеи Аҳәынҭқарратә шәарҭадара амаҵзура анапхгара адҵақәеи инарықәыршәаны инашәыгӡоит. Ари аамҭа аҩныҵҟала имаҷӡам ҳ-Аҧсадгьыл зхы ақәызҵаз. Минуҭктәи аҿымҭрала иаҳгәалаҳаршәап урҭ.

Арҭ ашықәсқәа раан архәҭа алшарақәа ҳбартә иҟан. Иҟаҵоу рацәоуп атерроризм иаҿагыланы ақәҧараҿы. Сара агәра згоит имҩаҧыжәго аусура хаҭабзиара ҳаракыла ишымҩаҧгахо, хамеигӡарада шәымч-шәылша ҳаҧсадгьыл ахьчара ишазыжәкуа.

Азин сышәҭозар, Аҧсны Аҳәынҭқарра анапхгара ахьӡала, хаҭала сара сҟынтә аилазаара зегьы, шәара шәышьақәгылара иацхраауа сшәыдныҳәаларц сҭахуп, ишәзеиҕьасшьоит агәабзиара, аманшәалара, ҳҳәынҭқарра аизҳазыҕьара иазку шәусураҿы аихьӡарақәа», - иҳәеит Ахада.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT