Аҧсны Аҳәынҭқарра Ахада

 

Ахада Ҷлоу ақыҭахь аинспекциатә ныҟәара мҩаҧигеит

21.05.2018

Ахада Ҷлоу ақыҭахь аинспекциатә ныҟәара мҩаҧигеит

Лаҵарамза 21 рзы Аҧсны Аҳәынҭқарра Ахада Рауль Ҳаџьымба Очамчыра араион ахь аинспекциатә ныҟәара мҩаҧигеит Ҷлоу ақыҭан аӡымҩангага арҿыцра-ргыларатә усурақәа шымҩаҧысуа гәаҭо.

Аҳәынҭқарра Ахада ақыҭауаа дрызҵааит имҩаҧысуа аусурақәа ргнахьала ргәаанагара аилкааразы. Ақыҭауаа ргәалақәа рҳәеит аргыларатә усурақәа рыҿҳәара анаскьагареи ахаҭабзиареи рзы. ГК АЕ «Аҧсныргылара» адиректор Ҭемыр Тҟьебучааи Ахада иҟынӡа инаргеит аӡымҩангага аргылара шымҩаҧысуеи аусураан изыниаз атехникатә уадаҩрақәеи ртәы.

Ахада Шьаҭанкылатәи аргылара Аусбарҭеи АЕ «Аҧсныргылареи» реиҳабацәа ирыдиҵеит аӡымҩангагақәа рыргылара 2018 шықәса цәыббрамзазы ихдыркәшарц.

«Хара имгакәа, амш зеиҧшразаалак, ианаамҭоу аусурқәа рхыркәшара иаҧырхагоу атехникатә зҵаарақәа зегьы ӡбазароуп», - адҵа ҟаиҵеит аҳәынҭқарра Ахада.

Аргыларатә еиҿкаара ЗҲӘА «Проммонтаж сервис» анапхгаҩы Џьумбер Нарманиа иҳәеит аиҿкаара аусура напы шанаркыз аӡымҩангага каҭақәа реихшара анымҩаҧысуаз аамҭазы.

«Ҳара ажәытәтәи агхақәа – аӡеихшара амҩақәа рыҟны иҟаз агхақәа рыриашара ҳалагеит. Аиқәшаҭрала иҳадҵоу – аӡеихшара акаҭа аҟаҵара. Ахада ажәа шиаҳҭахьо еиҧш, цәыббрамзазы ихҳаркәшоит ҳусура», - иҳәеит Џьумбер Нарманиа.

 6.JPG

 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT