Аҧсны Аҳәынҭқарра Ахада

 

Рауль Ҳаџьымба Николас Мадуро идиныҳәалеит Боливариантәи Ареспублика Венесуела Ахада имаҵурахьы иеиҭа иалхра

21.05.2018

Лаҵарамза 21 рзы Аҧсны Аҳәынҭқарра Ахада Рауль Ҳаџьымба Николас Мадуро идиныҳәалеит Боливариантәи Ареспублика Венесуела Ахада имаҵурахьы иеиҭа иалхра.

Адныҳәалара атекст аҟны, ҷыдала, иҳәоуп:

«Гәык-ҧсыкала ишәыдысныҳәалоит Боливариантәи Ареспублика Венесуела Ахадас иеиҭа шәалхра.

Алхраҿы еиҭа ижәгаз аиааира иаҳәоит Венесуела ажәлар шәыгәра шырго, Шәара имҩаҧыжәго аҩныҵҟатәии адәныҟатәии аполитикаҿы ишәырҭо адгылара атәы.

Аҧсны жәлар ахә ҳаракны иршьоит жәларбжьаратәи ақәыҕәҕәара шыҟазгьы, ихьыҧшым ҳҳәынҭқарра азхаҵаразы ишәыдышәкылаз аӡбамҭа.

Агәра згоит ҳтәылақәа рыбжьара ишьақәгылаз аҳәынҭқаррабжьаратә еизыҟазаашьақәа аҧхьаҟагьы аҿиара шроуа, уанӡа изҵаҩыз аиқәшаҳаҭрақәагьы рынагӡара шалыршахогьы.

Ишәзеиҕьасшьоит агәабзиара, агәамч, аҭакҧхықәра зцу шәусураҿы аихьӡара ҿыцқәа, Венесуела ажәлар зегьы – ирыгымзааит аҭынчреи аизҳазыҕьареи».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT