Аҧсны Аҳәынҭқарра Ахада

 

Ахада Пицунда апансионат "Литфонд" адгьылҵакыраҟны афункциарацәа змоу аспорттә хәмарратә шҭа аартра ацеремониа даҭааит

12.05.2018

Ахада Пицунда апансионат "Литфонд" адгьылҵакыраҟны афункциарацәа змоу аспорттә хәмарратә шҭа аартра ацеремониа даҭааит


Мшаҧымза 12 рзы Аҧсны Аҳәынҭқарра Ахада Рауль Ҳаџьымба Пицунда апансионат "Литфонд" адгьылҵакыраҟны афункциарацәа змоу аспорттә хәмарратә шҭа аартра ацеремониа даҭааит.

Аргылара-монтажтә усурақәа нагӡоуп Урыстәылатәи Афедерациа Аҳәынҭкорпорациақәа "Урысатом" ахарџь ала.

Ахада аусмҩаҧгатә аиҿкааҩцәеи асасцәеи аҧсшәа реиҳәеит.

"Абзиара шәымаз, акыр иаҧсоу аҩызцәа, ари ахҭыс иалахәу асасцәа, ҳауаажәлар. Ҳара ҳтәылазы акраҵанакуеит мчызмоу аҳәынҭқарра, иахьа зхаҭарнакцәа абра иҟоу ахырхарҭагьы убрахь иналаҵаны, аусхкқәа акыр рыҟны иҕәҕәоу атәылеи ҳареи иҳабжьу аизыҟазаашьақәа. Иҭабуп ҳәа шәаҳҳәоит иҟашәҵо азы, сгәы иаанагоит, Урыстәылатәи Афедерациеи ҳареи ҳаизыҟазаашьақәа иалкаау аҟәшақәа рыҟны аринахысгьы рыҿиара мҩаҧыслоит ҳәа ", - иҳәеит аҳәынҭқарра Ахада.  

Аҳәынҭкорпорациақәа "Урысатом" аоперациатә усбарҭа Адиректор хада ихаҭыҧуаҩ Александр Лакшин аартра ацеремониа иалахәу ихы рықәкны иҳәеит:

"Ҳара лассы-лассы шәтәыла ссир ҳаҭаалоит, есааира ишыссирхо, ишыҧшӡахо аабоит. Ари аҭыҧгьы уи аизҳазыҕьараҿы ҳара иҟаҳҵо лагаламҭа хәыҷуп. Сгәы иаанагоит, ара ахәыҷқәа рацәахап ҳәа, ари аҭыҧ инадкыланы атәыла зегьы аҿы аизҳара ҟалап ҳәа", - иазгәеиҭеит иара. 

Аконцерн "Урысфымцамчатом” аспорттә зыҟаҵара ацентр Адиректор Сергеи Фомин аспорттә шҭа аус шауа атәы иҳәеит. 

"Ари ашҭа аспорт ахәмарратә хкқәа зегьы рымҩаҧгаразы иахьатәи аамҭа иақәшәо иҟаҵоуп, - анапылампыл, амҵәышәмпыл, атеннис. Ара "Литфонд" аусмҩаҧгатәқәа рымацара ракәӡам имҩаҧысло. Ҳара Гагра араион ашколхәыҷқәа аус рыдулара ҳалагахьеит",- иҳәеит иара.  

Ахада иара убас дахәаҧшны ибеит апансионат аҟны иҟоу ирҿыцу Аҧсны Жәлар рпоет Дырмит Гәлиа изку акәакь. Аҭҵаарадырреи, акультуреи, аҵараиуреи рзы Ахада Иабжьгаҩ иҳәеит иеиҭашьақәыргылоу акәакь ахь ишаагоу Аҧсны Аҳәынҭқарра иазку аҭоурыхтәи атәылаҿацәҭҵааратәи литература.

7F5A1844.JPG

7f5a1913.jpg



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT