Аҧсны Аҳәынҭқарра Ахада

 

Ахада Аҧсны Аџьынџьтәылатә еибашьра Аинвалидцәа рассоциациа аинвалидцәа алархәны аилацәажаәара мҩаҧигеит

10.05.2018

Ахада Аҧсны Аџьынџьтәылатә еибашьра  Аинвалидцәа рассоциациа аинвалидцәа алархәны аилацәажаәара мҩаҧигеит


Лаҵарамза 10 рзы Аҧсны Аҳәынҭқарра Ахада Рауль Ҳаџьымба  1992-1993 шш. Аҧсны Аџьынџьтәылатә еибашьра Аинвалидцәа рассоциациа аинвалидцәа алархәны аилацәажаәара мҩаҧигеит.

Ассоциациа алахәцәа раионцыҧхьаӡа хәыда-ҧсада ахәшәқәа рзоужьра азҵаара шьҭырхит. Ҳазҭагылоу аамҭазы Аҧсны Аџьынџьтәылатә еибашьра аинвалидцәа ахшәқәа рзоужьра апунктқәа хҧа аус руеит. Ахада инапныҵала хара имгакәа иашьашәалоу аусбарҭақәа ари апроблема рыӡабараны иҟоуп. Аилацәажаәара иалахәыә иара убас ирҳәеит иааиҧмырҟьаӡакәа Аҧсны Аџьынџьтәылатә еибашьра аинвалидцәа ркатегориа иаҵанакуа рхыҧхьаӡара ишазҳауа.

Аҟәа ақалақьи Аҟәа араиони Аинвалидцәа рассоциациа ахантәаҩы Ҭемыр Занҭариа иҳәеит аиҿкаараҿы ҷыдала ргәы ишыҵхо аинвалидра ашьақәыргылара асоциалтә знеишьа азҵаара.

«Ҳара зҿлымҳара аҳҭоит аибашьра аинвалидцәа рыҧсҭазаашьа, усурҭа ҭыҧла реиқәыршәара азҵаара, ауаажәларраҿы ҭыҧс иааныркыло. Аибашьра аинвалидцәеи аветеранцәеи рус азы Акомиссиа аусура арҕәҕәеит. Иаҳҭахын, аҳәынҭқарра аинвалидцәа реиҿкаара аҟнытә иааиуа акоммерциатә проектқәа афинанстә дгылара анаҭаларц», - иазгәеиҭеит Ҭ.Занҭариа.

Аиҧылара аихшьалақәа рыла, аҳәынҭқарра Ахада аӡбара шьҭихит иуадаҩу азҵаарақәа зегьы рылацәажәареи рыӡбареи иазкхо Аҧсны Аџьынџьтәылатә еибашьра аинвалидцәа рассоциациа аинвалидцәа алархәны аилацәажәара амҩаҧгаразы.

 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT