Аҧсны Аҳәынҭқарра Ахада

 

XX ашәышықәса алагамҭазтәи арыцҳарақәа инарымаданы аерман жәлар рыдышшылара

24.04.2018

Мшаҧымза 24 рзы Аҧсны Аҳәынҭқарра Ахада Рауль Ҳаџьымба аерман жәлар дрыдышшылеит XX ашәышықәса алагамҭазтәи арыцҳарақәа инарымаданы.

Адышшылара атекст аҟны иҳәоуп:

«Ҳаҭыр зқәу ҳџьынџьуаа!

Абри алахьеиқәратә мшы аҽны аерман жәлар зегьы гәалсрыла срыдышшылар сҭахуп. 103 шықәса ҵит миллионк инареиҳаны аерман жәлар рыҧсҭазаара ралҵра ахҭыс аныҟалаз аахыс.  

Амҳаџьырра зхызгахьоу аҧсуа жәлар, аерман жәлар рхьаа бзианы ирныруеит. Зықьҩыла, зынхарҭа ҭыҧқәа зцәыӡыз аурманцәа Аҧсны хыҵакырҭас ироуит. Иахьа, ҳазҭагылоу аамҭазы   аерманцәа, егьырҭ Аҧсны иқәынхо ажәларқәа реиҧш, Аҧсны Аҳәынҭқарра ахақәиҭразы ақәҧаразы игылт, ақырҭуа агрессиа иаҿагыланы.   

Сгәы иаанагоит, ҳажәларқәа риашьаратә еизыҟазаашьақәа аҧхьаҟагьы иҕәҕәахалоит ҳәа. Ҧасатәи аҭоурыхтә даҟьа еиқәаҵәақәа ҳхаҿы иааганы, урҭ еиҭа рыҟалара алаҳмыршароуп.

Ишәзеиҕьасшьоит аҭынчра, аизҳазыҕьара».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT