Ахада зылшара ҧку ахәыҷқәа рзы Ареспубликатә реабилитациатә центр анапаҵаҟа иҟоу ахәыҷқәа рырҿиаратә усумҭақәа рцәыргақәҵа даҭааит

Мшаҧымза 18 рзы Аҧсны Аҳәынҭқарра Ахада  Рауль Ҳаџьымба зылшара ҧку ахәыҷқәа рзы Ареспубликатә реабилитациатә центр анапаҵаҟа иҟоу ахәыҷқәа рырҿиаратә усумҭақәа рцәыргақәҵа даҭааит Ацәыргақәҵатә зал хадаҟны. 

Ахада аекспозициа дахәаҧшит, игәаҧхаз аусумҭа алхны иааихәеит. 

«Аусумҭақәа улаҧш рыдхалоит, иҧшӡоуп. Арҭ аусумҭақәа иҵегьы хылаҧшра зҭаху ахәыҷқәа рдунеи аныҧшуеит. Иҭабуп ҳәа расҳәарц сҭахуп аус рыдызуло ауаа, аҭаацәарақәа, ишымариамгьы, ирылшо ахьрыгыдмырхо. Иҭабуп шәахьҳадгылоу. Ҳара ҳганахьала иҳалшо зегьы ҟаҳҵалоит ари ацентр ҿиаларц азы, аҳәынҭқарра аганахьала хылаҧшра амазарц азы. Ҳара арҭ ахәыҷқәа егьырҭ ауаа зегьы реиҧш ҳуаажәларра иалагыларц азы аусура мҩаҧаҳгалароуп»,- иҳәеит Ахада.
IMG_0827.jpg

IMG_0747.jpg





IMG_0741.jpg


Возврат к списку