Аҧсны Аҳәынҭқарра Ахада

 

Ахада бзиала шәаабеит ҳәа реиҳәеит раҧхьатәи Аҟәатәи жәларбжьаратәи акинофестиваль иалахәу, иара убас уи асасцәа

02.04.2018

Мшаҧымза 2 рзы Аҧсны Ахада Рауль Ҳаџьымба Актәи Аҟәатәи жәларбжьаратәи акинофестиваль аартраҟны дықәгылеит уи иалахәуи асасцәеи бзиала шәаабеит ҳәа раҳәо.

 

***

Акыр иаҧсоу аҩызцәа, бзиала шәаабеит ҳәа шәасҳәоит иахьа зметраж кьаҿу ахәмарратә фильмқәа актәи Аҟәатәи рфестиваль аартрахь иаҳҭааз. 

Ас еиҧш иҟоу аусмҩаҧгатәқәа Аҧсны имҩаҧысуеит раҧхьаӡакәны. Ари ҳреспубликазы, ҳауаажәлар рзы Афестиваль аҽалархәразы иаҳҭааз ҳасацәа рзы ныҳәак иаҩызоуп.  

Сгәы иаанагоит акинофестиваль иалахәу рбаҩхатәрақәа раарҧшра рылшап ҳәа. Уи далнакаауеит иреиҕьу, иара убас аҧхьаҟа иҵегьы зхы аус адызуларангьы иҟоу. Ҳәарада, ҳара ҳзы акраҵанакуеит, ас еиҧш иҟоу аусмҩаҧгатәқәа ҳара ҳҿы, ҳтәылаҿы иахьымҩаҧысуа.

Уажәы ара иаҳбеит акиноархив аҟнытә акадрқәа. Аҧсны акиноиндустриаҟны иззыгәдуу алшарақәа амоуп, аамҭақәак ыҟан ҳгәыгәҭажьшәа ҳаныҟаз, аха ари аус еиҭахыцыркуп. Афестиваль аҟны ицәыргахо афильмқәа ажиури ахәаҧшцәеи злацәажәаша рнаҭоит ҳәа сгәы иаанагоит. Ҷыдала, иҭабуп ҳәа расҳәарц сҭахуп Афестиваль еиҿызкааз – Аҿартә политиказы аилак, абри аус аиҿкаара иацхрааз зегьы.

Сгәы иаанагоит, Афестиваль иалахәу асасцәа зегьы Аҧсны гәахәарыла иргәалашәо имҩаҧысуеит, Афестиваль аҧхьаҟагьы иацҵахоит ҳәа. Ақәҿиарақәа шәәзеиҕьасшьоит! Мҩамш!

 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT