Аҧсны Аҳәынҭқарра Ахада

 

Ахада Аҧсны Аҳәынҭқарраҟны иҟоу Урыстәылатәи Афедерациа Ацҳаражәҳәараҿы адышшыларатә шәҟәы аҟны анҵамҭа нижьит

29.03.2018

Хәажәкырамза 29 рзы Аҧсны Аҳәынҭқарра Ахада Рауль Хаџьымба Урыстәылатәи Афедерациа Ацҳаражәҳәараҿы адышшыларатә шәҟәы аҟны анҵамҭа нижьит Кемеров иҟалаз арыцҳара инамаданы.

Аҳәынҭқарра Ахада иҳәеит арыцҳара иҟалаз иахҟьаны ааха зауз ауаа Аҧсны Аҳәынҭқарраҿы ареабилитациеи аҧсшьареи рзеиҿкааразы Аминистрцәа реилазаара иаиҭаз адҵа атәы.

«Кемерово иҟалаз – зрыцҳара дуу урыстәылатәи ажәлар рзы мацара акәӡам, уи згәы иалымсыз дыҟаӡам адунеи ахьынӡа-наӡааӡо. Аминистрцәа реилазаара, аҧыза-министр адҵақәа рысҭеит ааха зауз зегьы ргәабзиара аиҭашьақәыргыларазы асанатортә-курорттә хәышәтәра рахыжьразы. Ҳәарада, ҳара ҳганахьала иҳалшо зегьы ҟаҳҵоит урҭ ара иақәнагоу ацхыраара рыҭаразы», - иҳәеит Ахада.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT