Аҧсны Аҳәынҭқарра Ахада

 

Ахада аилацәажәара мҩаҧигеит атәылауаа Ахада Ирезервтә фонд аҟнытә ацхыраара рыҭара азҵаарақәа инарыдҳәаланы

26.03.2018

 Аилацәажәара иалахәын Ахада Иусбарҭа анапхгаҩы Актәи ихаҭыҧуаҩ Дмитри Шамба, И.о. Афинансқәа рминистр и.н. Ирма Амыҷба, Агәабзиарахьчара аминистр Ҭамаз Ҵахнакиа, Аџьеи, аусурҭа амазаареи, асоциалтә еиқәыршәареи рзы аминистр Руслан Аџьба, Апарламент адепутат, Асоциалтә политикеи, аџьеи, агәабзиарахьчареи, адемографиеи, аветеранцәеи аинвалидцәеи рзы Аилак ахантәаҩы Алхас Џьынџьал.

Аилацәажәара иалахәыз иазгәарҭеит аматериалтә цхыраара зауа лассы-лассы ирҩуа арзаҳал аҟны иарбоу агәҭакқәа инарықәыршәаны рхы ишадмырхәо.

Абри инадҳәаланы, аилацәажәара аихшьалақәа рыла иӡбан Агәабзиарахьчара аминистрра, Афинансқәа рминистрра, Аџьеи, аусурҭа амазаареи, асоциалтә еиқәыршәареи рзы аминистрра, Апарламент, ауаажәларра рхаҭарнакцәа алархәны атәылауаа Ахада Ирезервтә фонд аҟнытә ацхыраара рыҭаразы адҵааларақәа рыҭҵаарақәа мҩаҧызго аусуратә гәыҧ аҧҵара.

 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT