Аҧсны Аҳәынҭқарра Ахада

 

Ахада Иреиҳаӡоу аӡбарҭа Ахантәаҩы ҿыц аколлектив дыдирдырит.

26.03.2018

Хәажәкырамза 26 рзы Аҧсны Аҳәынҭқарра Ахада Рауль Ҳаџьымба Иреиҳаӡоу аӡбарҭа Ахантәаҩы ҿыц аколлектив дыдирдырит.

Ахада иазгәеиҭеит аӡбаҩцәа имҩаҧырго аусура аҵак ду атәы. Урҭ русура ахаҭабзиара зеиҧшроу еиҧш ауп аӡбаратә мчхареиҧш иааизакны аҳәынҭқаррагьы аҳаҭыр шыҟало.

Аҳәынҭқарра Ахада иаҵшьны иҳәеит ахарадҵара азакәанреи хырҧашьа амамзаареи – аӡбаратә усбарҭа аҿаҧхьа иқәгылоу уснагӡатә хадақәаны ишыҟазаракәу, абри ахырхарҭала аусура мҩаҧигазароуп иара напхгара азҭогьы.

Рауль Ҳаџьымба иазгәеиҭеит Мананы Делба лкандидатура Апарламент ишадгалаз, уи адепутатцәа еицҿакны ишрыдыркылаз.

«Сгәы иаанагоит шәара зегьы адгылара лышәҭап, аусеицура шәалагап ҳәа. Шәара шәусура зегьы раасҭа ихадароуп. Апрокуратуреи егьырҭ азинхьчаратә усбарҭақәеи шәареи шәусура акызароуп», - иҳәеит Ахада.

Манана Делба аҳәынҭқарра Ахада иҭабуп ҳәа иалҳәеит илиҭаз агәрагаразы, иҭабуп ҳәа ралҳәеит иара убас аколлектив аҿы гәахәарыла дахьрыдылкылаз.

«Аӡбаратә еидгылара аматериалтә-техникатә лшара аусура аҩаӡара ҳаракы аманы имҩаҧыслароуп ҳәа агәыҕра унаҭоит», - лҳәеит Манана Делба.

Рауль Ҳаџьымба иара убас дахәаҧшны ибеит Аҧсны Аҳәынҭқарра Иреиҳаӡоу аӡбарҭа ахыбра.

 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT