Аҧсны Аҳәынҭқарра Ахада

 

Москватәи Аҧсуа Диаспора аҧҵара 60-шықәсахыҵра адныҳәалара

25.03.2018

Хәажәкырамза 25 рзы Аҧсны Аҳәынҭқарра Ахада Москватәи Аҧсуа Диаспора ахаҭарнакцәа ирыдиныҳәалеит уи аҧҵара 60-шықәсахыҵра.


Адныҳәалараҟны, ҷыдала, иҳәоуп:

 

«Ҳаҭыр зқәу Беслан Родион-иҧа!


Ҳаҭыр зқәу ҳџьынџьуаа –
Москватәи Аҧсуа Диаспора ахаҭарнакцәа!

Аиашьа ибзиабаралеи гәадуралеи ишәыдысныҳәаларц сҭахуп акрызҵазкуа ахҭыс – ихьыҧшым ҳҳәынҭқарра ашьақәгылареи аҿиареи, уи аихьӡарақәа, иуникалтәу аҭоурыхтә ҭынхеи итрадициатәу акультуреи рыларҵәареи рыҟны злагаламҭа дуу аҧсуа еидгылара аҧҵара 60 шықәса ахыҵра.

Москва иҟоу аҧуса диаспора ашьақәгылареи аусуреи рхыҵхырҭақәа иҳаҩсыз ашәышықәса 20-30-тәи ашықәсқәа ирыдҳәалоуп. Уи ашықәсҧхьаӡара акрызҵазкуа хҭысла ибеиоуп. Аҭоурых аҿы аамҭа уадаҩқәа шыҟазгьы, арҭ ашықәсқәа рыҩныҵҟала москватәи ҳџьынџьуаа Аҧсны жәларбжьаратәи аҳаҭыр адгылара аҭаразы, урыстәыла-аҧснытәи аизыҟазаашьақәа, аекономикатә, аҭҵараардырра-ҵараиуратә, акультуратә еимадарақәа рырҕәҕәаразы ирылшаз маҷӡам. Ҳара ахә ҳаракны иаҳшьоит москватәи адиаспора зегьы реидкылараҿы аҧсуа еидгылара аҧызҵаз рлагаламҭа, урҭ рџьабаа, рҧышәа, рдыррақәа. Иара убас ҳара гәахәарала иазгәаҳҭарц ҳҭахуп абаҩхатәра змоу аҿар ганрацәалатәи русура алҵшәақәа. Аҭыҧ ду ааныркылоит аҧсуа диаспора апсҭазаараҟны астудентцәа, ҧеиҧш бзиа змоу аҿар, аспециалистцәа, кәҿиарала зыквалификациа иаззырҳауа аспирантурақәеи, аординатурақәеи, егьырҭ аҵараиурҭақәеи рыҟны.

Ароль дуӡӡоуп Москватәи Аҧсуа Диаспора 1992-1993шш. Аҧсны Аџьынџьтәылатә еибашьраҿы. Аибашьра аҧхьатәи амшқәа инадыркны аидгылара амчала Москва иаҧҵан ганрацәала аусура мҩаҧызгоз Аҧсны ацхыраара аҭаразы аштаб. Адиаспора хылаҧшра рырҭон ахҵәацәа, москватәи ахәышәтәырҭақәа рыҟны ишьҭаз ахәцәа. Аштаб иалшаз рацәоуп ақырҭуа информациа-пропагандатә система аҿагылараҿы. .
Иахьа Москватәи Аҧсуа Диаспора аҭагылазаашьақәа аҧнаҵоит ҳџьынџьуаа амилаҭтә традициақәа, адоуҳатә ҭынха, ахатәы бызшәеи акультуреи рыдҧхьаларазы, гәацҧыҳәарала ҳҳәынҭқарра аҧсҭазаара аганқәа зегьы ирылахәуп.

Сгәы иаанагоит, Москватәи адигылара имҩаҧнаго аусура ду аихьӡара ҿыцқәа аиуеит ҳәа, ҳҳәынҭқарра аҿиараҿы акрызҵазкуа лагаламҭаны иҟалоит.

Москватәи Аҧсуа Диаспора ахаҭарнакцәа зегьы гәык-ҧсыкала ирзеиҕьасшьоит агәабзиара, анасыҧ, аизҳазыҕьара».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT