Анатоли Бибилов Рауль Ҳаџьымба Имшира идиныҳәалеит

Хәажәкырамза 21 рзы Алада Уаҧстәыла Ареспублика Ахада Анатоли Бибилов Аҧсны Аҳәынҭқарра Ахада Рауль Ҳаџьымба ииубилеи идиныҳәалеит. 

Адныҳәалараҟны, ҷыдала, иҳәоуп::

«Гәык-ҧсыкала ишәыдысныҳәалоит 60-шықәса шәхыҵра Амш.

Ари, ганкахьала, Аҧсны аизҳазыҕьара иазкны имҩаҧыжәго аус рацәа аҟны аҧышәеи аихьӡарақәеи, даҽаганкахьала, аиааира ҿыцқәа рзы алшара ҿыцқәа азгәазҭо акрызҵазкуа рыцхәуп.

Аҳәынҭқарратә усураҟны шәусура ашықәсқәа рыҩныҵҟала Шәара шәгәамч, иазгәашәҭо ахықәкқәа рызнеишьа, шәҿаҧхьо иқәгылоу ауснагӡатәқәа рынагӡашьа ахьӡи аҳаҭыр дуи шәрыҧсахартә иҟарҵеит Аҧсны Аҳәынҭқарраҿы адагьы хара, уи анҭыҵгьы.

Агәра згоит, аҭоурых иагәылсны иаауа ҳтәылақәа зыхьчо, уасхырс ирзышьҭоу ҳара ҳаиашьаратә жәларқәа ирыбжьоу аизыҟазаашьақәа, аринахысгьы аҳаҭыреиқәҵареи агәреибагареи апринципқәа шьаҭас иҟаҵаны рыҿиара шымҩаҧысло.

Шәиубилеи амш аҽны, ҳаҭыр зқәу Рауль Џьумка-иҧа, ишәзеиҕьасшьоит агәабзиара, аизҳазыҕьара, Аҧсны жәлар рыхьӡала имҩаҧыжәго аҭакҧхықәра зцу шәусураҟны аихьӡарақәа».

 


Возврат к списку