Аҧсны Аҳәынҭқарра Ахада

 

Д.Гәлиа ихьӡ зху Аҧсуаҭҵааратә институт аколлектив Ахада Имшира идырныҳәалеит

21.03.2018

Д.Гәлиа ихьӡ зху Аҧсуаҭҵааратә институт аколлектив Ахада Имшира идырныҳәалеит.

Адныҳәлараҿы, ҷыдала, иҳәоуп:

"Ҳаҭыр зқәу Рауль Џьумка-иҧа! 
 
Аҧсны Аҭҵаарадыррақәа ракадемиа иатәу Д. Гәлиа ихьӡ зху Аҧсуаҭҵааратә институт аколлектив гәык-ҧсыкала ишәыдырныҳәалоит шәиубилеитә рыцхә - 60-шықәса шәхыҵра Амш. 
Шәара шәреиуоуп Аҧсны аҵеицәа хьӡырҳәагақәа. Шәыжәлар иеиқәдырхаз рыҧсадгьыли, рҭоурыхи, ркультуреи, рбызшәеи ҳаҭыр ақәҵо ҧхьаҟатәи аҧеиҧш лаша шәазхәыцуеит: аиқәырхара, арҿиара, аихаҳара, агәбылра ашьҭыхра.
1992-1993 шш. Аҧсны Аџьынџьтәылатә еибашьраҿы ишәывагыланы иеибашьуази рҭаацәеи хылаҧшра рзыжәуеит.
Шәара хаҭала шәлагаламҭа дууп зхы иақәиҭу ихьыҧшым ҳтәыла аҳаҭыр ашьҭыхраҿы. Аҧсны аҳәынҭқарратә бызшәа аҳәаақәа шәырҭбаауеит. Зҿлымҳара ду зышәҭо ҳажәлар рыбжьара аизыҟазаашьа бзиақәа: анажьреи, аибачҳареи, аҳаҭыреиқәҵареи, аихаҵгылареи шәҟазшьала иҿырҧшыганы иаашәырҧшуеит. 
Шәара игәцаракны ишәымоуп, хаҭалагьы хылаҧшра азыжәуеит Аҧсуаҭҵаара аизырҳара, аҳәаақәа рырҭбаара, аҿар радыҧхьалара, аҳәынҭқарра аргылараҿы ихадоу усны ишыҟоу азгәаҭаны еснагь ацхыраара ашәҭоит.
Нхыҵ-Кавказтәи ҳашьцәеи мшыннырцәтәи ҳџьынџьуааи ҳаибабара ацҳақәа азхышәҵоит, ҳтәылазы рылша аџьшьара аҭо ҳбызшәатә хәышҭаара иадшәыҧхьалоит, ҳаизааигәашәтәуеит, ҳаӡәкра шьақәшәырҕәҕәоит. Шәара ҧызара рзыжәуеит ҳтәылаҿеиҧш анҭыҵ инхо аҧсуа-абаза жәлар зегьы.
Ҳаҭыр зқәу Рауль Џьумка-иҧа! Ишәзеиҕьаҳшьоит имариам, аҭакҧхықәра зцу шәус аҿы ақәҿиарақәа, агәабзиара, агәамч ҕәҕәа, аихьӡара дуқәа!"

 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT