Аҧсны Аҳәынҭқарра Ахада

 

Владимир Путин Урыстәылатәи Афедерациа Ахада имаҵурахьы иеиҭа иалхра идныҳәалара

18.03.2018

Хәажәкырамза 18 рзы Аҧсны Аҳәынҭқарра Ахада Рауль Ҳаџьымба Владимир Путин Урыстәылатәи Афедерациа Ахада имаҵурахьы иеиҭа иалхра идиныҳәалеит.

Адныҳәалараҿы, ҷыдала, иҳәоуп:

"Ҳаҭыр зқәу Владимир Владимир-иҧа!

Гәык-ҧсыкала ишәыдысныҳәалоит Урыстәылатәи Афедерациа Ахада иалхраҿы ижәгаз аиааира иаша.
Абжьыҭира алҵшәақәа уаҩы ибартә иҟоуп, урҭ Урыстәыла ауааҧсыра Шәара аҵыхәтәантәи ашықәсқәа раан имҩаҧыжәгоз аусура ахырхарҭа агәра шырго дырҵабыргуеит. Акырӡа арҿыцра мҩаҧган аекономика, зҿлымҳара ду рыҭан асоциалтә ҟәша аҿиара, ашәарҭадареи атәылахьчареи ралыршара, жәларбжьаратәи аренаҿы Урыстәыла аинтересқәа рыхьчара.  

Аҧсны жәлар ахә ҳаракны иршьоит Шәара арҭ ашықәсқәа зегьы ҳтәыла иашәҭо ацхыраара. Сгәы иаанагоит шәареи ҳареи ҳаиашьаратә еизыҟазаашьақәа аҧхьаҟагьы аҿиара роуеит.

Владимир Владимир-иҧа, гәахәарыла ишәзеиҕьасшьоит Урыстәыла аизҳазыҕьара иазку имариам шәус аҿы аихьӡарақәа!”

 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT