Аҧсны Ахада Нури Кәарҷиа ианеишьеит “Ахьӡ-аҧша” аорден III аҩаӡара

Хәажәкырамза 7 рзы Аҧсны Ахада Рауль Ҳаџьымба инапы аҵаиҩит «Нури Кәарҷиа «Ахьӡ-аҧша» аорден III аҩаӡара ианашьаразы» Аусҧҟа.

Аусҧҟа атекст аҟны, лымкаала, иҳәоуп:

«Жәлар рырҿиареи, рҟазареи, рмузыкатә фольклори рӡыргара аус аҿы, Нхыҵ Кавкази Аҧсни ркультуратә еимадарақәа реизырҳараҿы илагалазы Аҧсны зҽаҧсазтәыз аусзуҩы Кәарҷиа Нури Еремеи-иҧа ианашьазааит «Ахьӡ-аҧша» аорден III аҩаӡара».


Возврат к списку