Аҧсны Аҳәынҭқарра Ахада

 

Ахада аилацәажәара мҩаҧигеит Урыстәылатәи Афедерациа Ахада иалхра аҽазыҟаҵараҿы ацхыраара иазкны

06.03.2018

 Ахада аилацәажәара мҩаҧигеит Урыстәылатәи Афедерациа Ахада иалхра аҽазыҟаҵараҿы ацхыраара иазкны


Хәажәкырамза 6 рзы Аҧсны Аҳәынҭқарра Ахада  Рауль Ҳаџьымба аилацәажәара мҩаҧигеит 2018 шықәса хәажәкырамза 18 рзы Аҧсны Аҳәынҭқарра адгьылҵакыраҟны Урыстәылатәи Афедерациа Ахада иалхра аҽазыҟаҵараҿы иаҭаху ацхыраара иазкны. 

Аҳәынҭқарра ахада иазгәеиҭеит алхрақәа рымҩаҧгаразы иаҭаху зегьы ирхылаҧшны ишазырхиатәу.
Аҧсны Аҳәынҭқарраҟны иҟоу Аҷыдалкаатәи Азинмчызмоуи Урыстәылатәи Афедерациа ацҳаражәҳәаҩ Семион Григориев иҳәеит Аҧсны ишаҧҵоу алхырҭатә участокқәа 20, ишышьақәыргылоу алхратә комиссиақәа 20.  

«Участокцыҧхьаӡа ирықәнагоу абиуллетенқәа рыҭоуп. Аҿҳәарааинӡа абжьыҭира мҩаҧысуеит аррамаҵзурауаа рзы», - иҳәеит Семион Григоиев.

Уи иара убас иазгәеиҭит аинформациатә усура активла ишымҩаҧысуа, ареспубликаҟны аканал хадақәа рыла аҧсышәалеи урысшәалеи алхраламҭалазтәи ароликқәа шыддырбо.   

 Алхрақәа рымҩаҧгара ибзианы ишазхиоу , алхратә комиссиаҟны аус шауа аусуратә гәыҧ.

Ахада ҷыдала адҵа ҟаиҵеит алхрақәа рыҽны аучастокқәа рыҟны ашәарҭадара  ахылаҧшразы. 

 Аҩныҵҟатәи аусқәа рминистр Гарри Аршба иҳәеит Ашәарҭадара Амаҵзура рыцырхырааны ашәарҭадара алыршаразы аплан шаздырхиаз. 

Рауль Ҳаџьымба ақалақьқәеи араионқәеи рахадацәа рнапы ианиҵеит алхрақәа рыҽны зыбжьы зҭиуа аучастокқәа рҟынӡа иназго транспортла реиқәыршәара


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT