Аҧсны Аҳәынҭқарра Ахада

 

Ахада Алеко Гәарамиа ААУ Аректорс иеиҭа иалхра идиныҳәалеит

28.02.2018

Ахада Алеко Гәарамиа ААУ Аректорс иеиҭа иалхра идиныҳәалеит



Жәабранмза 28 рзы Аҧсны Аҳәынҭқарра Ахада Рауль Хаџьымба апрофессор, афизика-математикатә ҭҵаарадыррақәа рдоктор, Аҧсны Аҭҵаарадыррақәа ракадемиеи Адыгеиатәи жәларбжьаратәи аҭҵаарадыррақәа ракадемиеи ракадемик Алеко Гәарамиа ААУ Аректорс иеиҭа иалхра идиныҳәалеит.

ААУ Аҵарауаа Рхеилак инарҭбаау реилазаара алахәцәа еицҿакны  Алеко Гәарамиа аректор имаҵурахьы иалхразы рыбжьы рҭиит.


Ахада Алеко Гәарамиа Аҧснытәи аҳәынҭқарратә университет иамоу аихьӡарақәа рҿы инаигӡо ароль атәы азгәеиҭеит. 

"Аҧснытәи аҳәынҭқарратә университет аихьӡара дуқәа амоуп. Зегьы ибзианы ирдыруеит ауниверситет ашьақәгылараҿы изнысыз амҩа. Ихьанҭаз аибашьра ашьҭахьтәи ашықәсқәа раан ас еиҧш анапхгаҩы дыҟамызҭгьы, зегьы даҽакала иҟалар алшон. Шәара ишәгәалашәоит аибашьраангьы аус шауаз ауниверситет. Уи аректор ибзоуроуп. Иара ибзоураны ҳастудентцәа аҳәаанырцә аҵара рҵартә еиҧш аҭагылазаашьа рымоуп. Сара сзы гәахәароуп, аколлектив зегьы рнапхгаҩы иганахьала ргәаанагарақәа ахьеиқәшәо. Алеко Алексеи-иҧа илшамҭақәа, ихьӡ Аҧсны аҳаҭыр шьҭырхуеит. Изеиҕьасшьар сҭахуп иҵегьы иеиҳаны аихьӡарақәа, иара убас, ара ишырҳәаз еиҧш, аҭышәынтәалара аамҭаҟнытә аизҳазыҕьарахь аиасра",- иазгәеиҭеит аҳәынҭқарра Ахада. 

Алеко Гәарамиа Ахада иҭабуп ҳәа еиҳәеит Ауниверситет ахатәы полиграфиатә база аҧҵараҟны иаиҭаз афинанстә цхырааразы.  

Аҧснытәи аҳәынҭқарратә университета Алеко Гәарамиа ААУ аусура хәышықәса рыҩныҵҟалатәи алҵшәақәа реихшаьала ҟаиҵеит.


Алеко Гәарамиа, лымкаала дрыхцәажәеит иҿыцуи ихадоуи арҵара-ҭҵаарадырратәи еилазаарақәав. Ауниверситет аҟны аус руеит 44 кафедра. Аиҿырҧшразы ААУ аректор иргәалаиршәеит аибашьра ашьатхь 17 шракәыз иҟаз. ААУ иҟоуп аҭҵаарадырра-ҵараиуратәи акультуратәи центрқәа. Иара убас аректор иазгәеиҭеит ауниверситет аҿы анормативтә база аиҕьтәразы аусура шымҩаҧысуа.

Хәышықәса рыла адоктортә диссертациақәа хәбеи акандидаттә диссертациақәа аабеи хьчоуп. ААу аректор аҳәынҭқарра Ахада иҭабуп ҳәа иеиҳәеит русура ахә ҳаракны иахьишьаз азы.
Алеко Гварамия отметил, что выполнение учебной нагрузки на 80-90% является высоким показателем. 

Аҵараҿы аихьӡарақәа иахьа 50-60% рыҟны иҟоуп. Алеко Гәарамиа иҳәеит урҭ арбагақәа реиҕьтәра алыршахоит ҳәа игәы ишаанаго. Уи аҿы ицхыраахоит ҳәа иҧхьаӡоит ирҿыцу ахыбра, иеибыҭоу алабораториақәа, зусура иалагаз абиблиотека. 

 

IMG_7881.JPG


IMG_8057.JPG


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT