Аҧсны Аҳәынҭқарра Ахада

 

Ахада 1992-1993 шш. Аҧсны Аџьынџьтәылатә еибашьраҟны Аиааира агара 25 шықәса ахыҵра Амши Аҧсны Аҳәынҭқарра жәларбжьаратәи азхаҵара 10-шықәса ахыҵреи ирызку Акомиссиа аилацәжәара мҩаҧигеит

28.02.2018

Ахада 1992-1993 шш. Аҧсны Аџьынџьтәылатә еибашьраҟны Аиааира агара 25 шықәса ахыҵра Амши Аҧсны Аҳәынҭқарра жәларбжьаратәи азхаҵара 10-шықәса ахыҵреи ирызку Акомиссиа аилацәжәара мҩаҧигеит


Жәабранмза 28 рзы Аҧсны Аҳәынҭқарра Ахада Рауль Хаџьымба 1992-1993 шш. Аҧсны Аџьынџьтәылатә еибашьраҟны Аиааира агара 25 шықәса ахыҵра Амши Аҧсны Аҳәынҭқарра жәларбжьаратәи азхаҵара 10-шықәса ахыҵреи ирызку Акомиссиа аилацәажәара мҩаҧигеит.


Ахада иаҵшьны иҳәеит Аҧыза-министр есымчыбжьа Аҳәынҭқарра Ахада 1992-1993 шш. Аҧсны Аџьынџьтәылатә еибашьраҟны Аиааира агара 25 шықәса ахыҵра Амши Аҧсны Аҳәынҭқарра жәларбжьаратәи азхаҵара 10-шықәса ахыҵреи ирызку аусмҩаҧгатәқәа рҽырзыҟаҵара шымҩаҧысуа азы адырра ииҭалар шакәу.  

Ахада иазгәеиҭеит аусмҩаҧгатәқәа зегьы нҭырҳәыцааны ишрызхәцтәу, ақалақь аиҿкаара ишахылаҧштәу. Ахада Атәылахьчара аминистр инапы ианиҵеит мчыбжьык аҩныҵҟала Аиааира амш иазку апарад амҩаҧгара иадҳәалоу адырра ииҭарц. 
Акультуреи аҭоурых-культуратә ҭынхеи рыхьчаразы аминстрреи Аҵареи аҭҵаарадырреи риминистрреи ирыдиҵеит ҩ-иубилеитә рыцхәқәа ирызку аусмҩаҧгатәқәа разҧхьагәаҭара. 


Акультуреи аҭоурых-культуратә ҭынхеи рыхьчаразы  Ельвира Арсалиа далацәажәеит хәажәкырамзазтәи ажәылара амши Аҧсны Аҳәынҭқарра жәларбжьаратәи азхаҵара амши ирызкны иазҧхьагәаҭоу аусмҩаҧгатәқәа ртәы.  Хәажәкырамза 16 рзы иазгәаҭоуп Адыгеиатәи асимфониатә оркестр ақәгылара, нанҳәамза 26 рзы Аҧснытәи Аҳәынҭқарратә филармониаҟны иқәгылараны ишыҟоу Пиатницки ихьӡ зху Академиатә аурыс жәлартә хор. Аусмҩаҧгатәқәа аҩбагьы рыҟны аконцерттә программа иалагаанӡа аофициалтә хәҭа шазгәаҭоу.   

Аҳәынҭқарра ахада адҵа ҟаиҵеит ақалақьқәеи араионқәеи рыҟны абаҟақәа реиҿкааразы. Иара убас Аҟәа ақ. Ахада Адгәыр Ҳаразиа идиҵеит аныҳәамшқәа раан ауаа лассы-лассы изҭаауа аҭыҧқәа рырҽеиразы аусура рымҩаҧгара


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT