Аҧсны Аҳәынҭқарра Ахада

 

Ахада Барон Дивавеси Ваку Ареспублика Науру Ахьыҧшымра Амш идиныҳәалеит

31.01.2018

Ажьырныҳәамза 31 рзы Аҧсны Ахада Рауль Ҳаџьымба Барон Дивавеси Ваку  Ареспублика Науру Ахьыҧшымра Амш идиныҳәалеит.

Адныҳәалара атекст аҟны, ҷыдала, иҳәоуп:

«Аҧсны Аҳәынҭқарра ажәлари анапхгареи рыхьӡала азин сышәҭ Шәаргьы, шәколлегацәагьы, Ареспублика Науру ажәларгьы Ареспублика Науру Ахьыҧшымра аиуижьҭеи 50-шықәсаҵра амш инамаданы адныҳәалара шәзынашьҭразы.

 1968 шықәса ажьырныҳәамза 31  – Науру аҭоурых ҿыц аҟны акрызҵазкуа рыцхәны иҟоуп. Ари амш аҳәынҭқарра ашьақәгылараҟны аамҭа ҿыц иазҳәоуп, ажәлар зхы иақәиҭу аҳәынҭқарра аргыларазы ирымоу агәазыҳәара иасимволны иҟоуп.   Аҧсны жәлар ахьыҧшымра аиуразы ирхыргаз аҧышәарақәа рышьҭахь, ибзианы иеилыркаауеит ари амш иацу агәырҕьара, гәыкала иагьшәыцеиҩыршоит. 

 Иахьа Ареспублика Науру иактуалтәу арегионтәии жәларбжьаратәии азҵаарақәа рыӡбараҿы иконструктивтәу алагаламҭа ҟанаҵоит. Аамҭа кьаҿк иалагӡаны ҳҳәынҭқаррақәа рыбжьара ишьақәгылеит аҳаҭыреиқәҵареи агәрагареи рыла иеибарку аиҩызара бзиа. Гәахәарыла иазгәасҭарц сҭахуп ҩ-ганктәи аусеицура иамоу алҵшәақәеи аинырра иҳабжьоу аҩаӡара аҳаракреи. 

Шәаҳаракыра, гәахәарала исгәалашәоит 2017 шықәса абҵарамзазы Аҧсны Аҳәынҭқарраҟны визит ҳасабла шәаныҟаз. Ахә ҳаракны исшьоит Шәара хаҭала иҟашәҵо алагаламҭа ҳҳәынҭқаррақәа рыбжьара астратегиатә еизыҟазаашьақәа рырҕәҕәара аус аҿы.  Исҭахын ҳаиҿцәажаәарақәеи ҩ-ганктәи ҳусеицуреи аҧхьаҟагьы рыцҵара ҳшазхиоу.

Аҭагылазаашьа схы иархәаны, азин сышәҭ, Шәаҳаракыра, ҳаҭыр ду шшәықәысҵо азы агәра шәыргаразы, Науру ажәлар аҭынчреи аизҳазыҕьареи рзеиҕьашаьаразы!»

 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT