Аҧсны Аҳәынҭқарра Ахада

 

Ахада Гәылрыҧшь араион активи ауаажәларреи дырҧылеит

24.01.2018

Ахада Гәылрыҧшь араион активи ауаажәларреи дырҧылеит

Ажьырныҳәамза 24 рзы Аҧсны Аҳәынгҭқарра Ахада  Рауль Ҳаџьымба Гәылрыҧшь араион активи ауаажәларреи дырҧылеит.

  Гулрыҧшь араион аусбарҭа ахада Аслан Бараҭелиа аизара иалахәыз ирылеиҳәеит  2017 шықәсазы иазҧхьагәаҭаз абиуџьеттә рбагақәа шынагӡаз атәы. 

«2017 шықәсазы ҳара ицәгьамкәа ихҳаркәшеит. Абиуџьет 100,9% рҟынӡа инагӡан. Уи инахыҳәҳәаны араионтә биуџьет ахь иааит  5 миллион мааҭк. Хышықәса инеиҧынкыланы абиуџьет аҿиара иаҿуп. Ҩышықәса ҳрықәуп, ас еиҧш ахаангьы иҟамлаӡац араион аҟны, ажәахатәи ауалафахәы рыҭара алыршоуп.  Аиҿкаарақәа аӡәырҩы ирзоужьуп. Арҵаҩцәа ажәахатәи ауалафахәы 50% рыҭоуп. Абас иҟан ҵыҧхтәи ашықәс арбагақәа», - иҳәеит иара.

 Аслан Бараҭелиа иазгәеиҭеит абиуџьеттә хыдҵақәа рзы араион ауал шақәым атәы, иара убас иаҵшьны иҳәеит хышықәса рыҩныҵҟа ауалафахәы аамҭа иахырҧаны азоужьра шыҟамлац. Гәылрыҧшь араион аусбарҭа ахада иазгәеиҭеит аҭагылазаашьа даара ишыуадаҩу ақыҭанхамҩа аҟәшаҟны. Аҽаҩра ҧшьынтә ишеиҵахаз, убас шакәугьы  ауаажәларратә секторқәа адгьылтә шәахтәқәа зегьы шрызшәоу.  Аслан Бараҭелиа иазгәеиҭеит  Аинвестициатә программа аҧарала иаҧҵоу ашәырҭрақәа рыҟнытә ахашәала шыҟоу, иагьиҳәеит аплантациақәа ахазхатә нхамҩа иаҭазар шыбзиоу урҭ еиҳа зҿлымҳара арҭарац азы.  Уи иҳәеит Гәылрыҧшь араион аӡиасқәа реиҳарак рӡыршьҭрақәа шрыцқьоу. Ҳазҭагылоу аамҭазы аусурақәа мҩаҧысуеит Каштак аҳаблаҟны. 

Иҳаҩсыз ашықәс аҩныҵҟа Аслан Бараҭелиа хҭыс бзиоуп ҳәа иазгәеиҭит  Гәылрыҧшь араион аҟны ахәыҷбаҳча аартра. Уи иара убас агәра ганы иҳәеит 2018 шықәсазы Агәыӡера аҳаблаҟны ахәыҷбаҳча аргылара шхацыркхо атәы. 

Абыргцәа рхеилак Гәылрыҧшьтәи аҟәша  Ахантәаҩы  Уанка Џьапуа иҳәеит иҟоу аҩныҵҟаполитикатә ҭагылазаашьа агәы шамырҭынчуа атәы. Уи иазгәеиҭеит аҳәынҭқарраҟны аихьӡарақәа ыҟазарц азы аҭынчра шаҭаху. 

Ақыҭанхамҩа аминистр  Даур Ҭарба апты иаҿагыланы ақәҧаразы аусбарҭақәа имҩаҧыргараны иҟоу аусхкқәа ртәы, абри аҟәшаҟны жәларбжьаратәи аиҿкаарақәагьы алархәны. Уи иара убас иааигеит ақыҭанхамҩа иеиуеиҧшым ахырхарҭақәа афинанс азоужьра иазку арбагақәа, арахәааӡара, ауҭраҭыхааӡара, ашәыр аиҭаҳатәқәа налаҵаны.   

Аҩныҵҟатәи аусқәа рминистр Гарри Аршба ауааҧсыра анаркоманиа апроблема аҿагыларазы азеиҧш ус аҽалархәразы ааҧхьара ҟаиҵеит.  Аусбарҭа имҩаҧнаго аусура алҵшәа аиурц азы, ауааҧсыра рганахьала адгылареи аилкаареи шыҟазаракәу. Уи иара убас аҳәара ҟаиҵеит амҩаҿы аҧҟарақәа рықәныҟәаразы.    

Аҧыза-министр Беслан Барцыц иазгәеиҭеит Гәылрыҧшь араион аҟны ақыҭанхамҩеи атуристтә ҟәшеи аҧеиҧш бзиа змоу секторны ишыҟоу. 

 2017 шықәсазтәи аихшьалақәа рырбагақәа аҭыҧантәи аусбарҭақәа рымчрақәа рҳәоу еиқәшәаны аус ахьеицуреи ашәахтә шәатәқәа профессионалла хылаҧшра рыҭареи ишрыбзоурахаз атәы иҳәеит Аҧыза-министр.  Аҧыза-министр иазгәеҭеит 2016-2017 шықәсқәа рзы араион ишазоужьыз  40 миллион мааҭ инареиҳаны Гәылрыҧшь араион ақыҭақәак рыҟны аӡхыҵра иадҳәалаз апроблемақәа раҧыхразы.  Иаҭаху аусмҩаҧгатәқәа мҩаҧган араионтә наплакқәа рымчала, уи иабзоураны араион абиуџьет ахь иацҵаны анеимҭақәа неиуа иалагеит .  

  Асоциалтә-економикатә ҿиаразы Аинвестициатә программа аҳәаақәа ирҭагӡаны араион аҟны  аӡымҩангага хада арҿыцразы аусурақәа мҩаҧысуеит, иара убас Дранда ақыҭан аӡымҩангага хада аҟнытә иаҿыгоу аӡымҩангагақәа, аҕәраҵақәа ааба, амашьынамҩақәа хҧа шьаҭанкыла рырҿыцразы аусурақәа мҩаҧысуеит. 2017 шықәса анҵәамҭазы араион иаҭан  акоммуналтә техника акымкәа акқәа.   

Аҳәынҭқарра ахада  иқәгылараҿы ахәшьара аиҭеит асоциалтә-економикатә ҭагылазаашьа, иара убас аҵыхәтәантәи аамҭазы иҟаз аполитикатә хҭысқәа. Ахада иара убас дрыхцәажәеит «ахада иамхразы аҭагылазаашьа аҧҵара» згәы иҭазкыз аоппозициатә мчқәа.

«Иарбан ҭагылазаашьоу излацәажәо? В статье 64 Аконституциа  64 ахәҭаҷ аҿы иеилыкка иҳәоуп Ахада имаҵзура дыззамырхуа ауа.  Аоппозициа зыӡбахә амоу аҭагылазаашьа – ари аҭышәынтәалара аиалагароуп, ҳуаажәларразы иуадаҩу аҭагылазаашьа аҧҵароуп. Аханатә аҭагылазаашьа аруадаҩра гәҭакыс ирымоуп. Ари ахырбгаларатә позициоуп, ахаос ахь ааҧхьара ауп», - иҳәеит Ахада иаҵшьны. 

Аиҧылара иалахәыз азҵааит аӡымҩангагақәа реиҭашьақәыргылара,амҩатә инфраструктура, драндатәи уарчатәи ашколқәа рырҿыцра, Ҧшьаҧ ақыҭа ӡыла аиқәыршәара уҳәа ирызкыз азҵаарақәа. Абарҭ азҵаарақәа рзы аҳәынҭқарра Ахада Аҧыза-министри  Гулрыҧшь араион аусбарҭа ахадеи изыхәҭоу анапынҵақәа риҭеит.  

 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT