Аҧсны Аҳәынҭқарра Ахада

 

Ахада Гагра араион ауааҧсыра дырҧылеит

17.01.2018

Ахада Гагра араион ауааҧсыра дырҧылеит

Ажьырныҳәамза 17 рзы Аҧсны Аҳәынҭқарра Ахада Рауль Ҳаџьымба Гагра ақалақьи Гагра араиони руаажәларра дырҧылеит.   

 Гагра араион аусбарҭа Ахада Заур Бганба иазгәеҭеит араион 2017 шықәса аихшьалақәа рыла  асоциалтә-економикатә ҿиара хьысҳауп ҳәа. Уи ишиҳәаз ала, асанатортә-курорттә комплекс, ахәаахәҭра, ауаажәларра крырҿаҵара, атраспорт аҟәшаҟны амаҵзурақәа рымҽхак еиҵахеит. Аиндикативтә план иартәеит 70%. Ааглыхра азеиҧш мҽхак аҧаратә еквивалент аҟны иартәеит   7,6 млрд мааҭ, иазҧхьагәаҭаз аицҵалыҵ иартәозҭгьы 10,8 млрд мааҭк. 

Ауадаҩрақәа шыҟазгьы, 2017 шықәсазы ауалафахәқәа рзы ахыдҵақәа нагӡоуп, ҳәа азгәеиҭит Заур Бганба. 

Аинвестициатә программа аҳәаақәа ирҭагӡаны, Аҧсны Аҳәынҭқарра асоциалтә-еккономатә ҿиара ацхыраарала араион аҿы имҩаҧысуеит аҧсуа школ ахыбра аргылара, аӡымҩангагақәа реиҭашьақәыргылара,  Апринц Ольденбургтәи ипарк  арҿыцра, амҩақәа акаҭран рықәҵара иаҿуп. 

Абыргцәа рхеилак Гагратәи аҟәша, Аҧсны Афырхаҵа Рудольф Алшәындба иаҵшьны иҳәеит Ареспубликаҟны атуристтә ҟәша ақәҿиара аманы иҿиаларц азы, раҧхьа иргыланы, ишаҭаху х-зҵаарак рықәныҟәара: аҧсшьаҩцәа аҧсуа ҵасла рыдкылара, Аҧсны иахьаҵанакуа ршәарҭадара хылаҧшра аҭара, Амшын еиқәа аекологиа ацқьара. 

Уи иара убас дахцәажәеит Георги Лукава ихы иақәиҭтәра аҭагылазаашьа.

«Ахада Аконституциала азин имоуп. Ҳашьцәа ауаҧсаа раҧхьагыла аҳәара ҟаиҵеит, иара аҧсуара инақәыршәаны ихы мҩаҧигеит. Ламысла дныҟәар акәын, ус иагьыҟаиҵеит», - иҳәеит Рудольф.

Ахада иқәгылараҿы иазгәеиҭит ареспублика аекономикатә ҿиара арегион аҿы иааидкыланы иҟоу ауадаҩрақәеи Урыстәылатәи Афедерациаҟны иҟоу аҭагылазаашьаеи ишрыдҳәалоу.    

  Гагра араион дахцәажәо, Ахада иҳәеит ареспублика иаҭаауа аҧсшьаҩцәа рзеиҧш хыҧхьаӡара рацәак аҽшамҧсахыз. Еиҳа ауадаҩра ахьыҟоу ашәахтәқәҵара аҟәшаҟны шакәу.  Абри инамаданы, аҳәынҭқарра Ахада иазгәеиҭеит Ацҵаратә хәыҧсазы ашәахтә аҭахны ишыҟоу, аҧсны-урыстәылатәи иара убас Егры аӡиас аҟны аҳәаақәа аидарақәа рахысра ҕәҕәала рхылаҧшра шаҭаху. 

Ахада иара убас иазгәеиҭеит афымцамч ахархәаразы адунеи аҿы зегьы иреиҵоу атариф ала ашәахтә шәатәқәа реизгара апроцент шылаҟәу.  

Аиҧылара иалахәыз Ахадеи Гагра араион анапхгара Ахадеи ақыҭа аҿиареи амҩатә  инфраструктуреи ирыдҳәалоу азҵаарақәа рырҭеит. 

 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT