Ажьырныҳәамза 16 рзы Аҧсны Аҳәынҭқарра Ахада Рауль Ҳаџьымба инапы аҵаиҩит Аҧсны Аҳәынҭқарра атәылахьчара актәи аминистр, Аҧсны Афырхаҵа, аинрал-леитенант Владимир Аршба иҧсыжра аиҿкаара иазку Аҳәынҭқарратә комиссиа аҧҵаразы Адҵа.
Адҵаҟны, ҷыдала, иҳәоуп:
«Иаҧҵазааит Аҧсны Аҳәынҭқарра атәылахьчара актәи аминистр, Аҧсны Афырхаҵа, аинрал-леитенант Владимир Аршба иҧсыжра аиҿкаара иазку Аҳәынҭқарратә комиссиа абри аилазаарала:
Барцыц Б.К. – Аҧсны Аҳәынҭқарра Аҧыза-министр – Акомиссиа ахантәаҩы;
Аршба Д.Д. – Аҧсны Ахада иусбарҭа Анапхгаҩы;
Гәуниа И.Ч. – 1992-1993 шш. Аҧсны аџьынџьтәылатә еибашьра аветеранцәа руаажәларратә еиҿкаара «Аруаа» ахантәаҩы;
Кьылба М.С. – Аҧсны Аҳәынҭқарра Ашәарҭадара Ахеилак Амаӡаныҟәгаҩ;
Қьышьмариа М.Б. – Аҧсны Аҳәынҭқарра атәылахьчара аминистр;
Кобахьиа А.А. – Аҧсны Аҳәынҭқарра аҧыза-министр ихаҭыҧуаҩ;
Маан З.Б. – Аҧсны Аҳәынҭқарратә шәарҭадара амаҵзура ахантәаҩы;
Ҳаразиа А.Р. – Аҟәа ақ. аусбарҭа анапхгаҩы;
Шамба С.М. – ауаажәларратә усзуҩы;
Ешба В.А. – В.Г. Арӡынба ихьӡ зху АУН «Жәларбжьаратәи аҳаиртә баҕәаза «Сухум» адиректор хада .