Аҧсны Аҳәынҭқарра Ахада

 

Ахада Очамчыра араион ауааажәларра дырҧылеит

16.01.2018

Ахада Очамчыра араион ауааажәларра дырҧылеит

Абыргцәа рхеилак Очамчыратәи аҟәша Аполлон Думаа иқәгылараҿы иазгәеиҭеит аҩныҵҟатәи аимакқәа, аиҿыхарақәа ас имаҷу ажәлар ҳзы аҳәынҭқарра ахыбгаларахьы ҳназго мҩаны ишыҟоу. 

«Аибашьраан абас ҳаиҟәшаны ҳаҟазҭгьы, аибашьрагьы ҳзаиааиӡомызт», - иҳәеит Аполлон Думаа иажәахә аҿы.

Аицәажәара аҭахуп, аизыӡырҩрала иӡбалатәуп азҵаарақәа зегьы ҳәа азгәеиҭеит уи.

Ламара Қәычбериаҧҳа, иҭахаз Аҧсны Афырхаҵа Иури Қәычбериа иан, аҳәынҭқарратә зҵаарақәа адәаҿы еизаны аӡбара ҟамлароуп лҳәеит.      

«Иҟоуп Ахада, Аиҳабыра, Апарламент – узацәажәаша аусбарҭақәа, аҳәатәы змоу рзы ахыбрақәа ыҟоуп ҭынч азҵаарақәа рылацәажәара, рыӡбара ахьалшо», - лҳәеит Ламара Қәычбериаҧҳа.

Аҿар рыхьӡала дықәгылеит Аманда Қәычбериаҧҳа. Уи лықәгылараҿы илҳәеит Очамчыра араион аҿар имцу аинформациеи асоциалтә каҭа ахархәарала аҭышәынтәалара аилагаразы иҟарҵо ааҧхьара  ишаҿагыло.

Аҧыза-министр Беслан Барцыц иааркьаҿны араион аҟны иҟоу  асоциалтә-економикатә ҭагылазаашьа дахцәажәеит. Ҳазҭагылоу аамҭазы Очамчыра ақалақь аҟны ахәыҷбаҳча аргылара иаҿуп, Ҭхьына ақыҭан ашкол аргылара мҩаҧысуеит, хара имгакәа араион аҟны афымцамчи аӡымҩангареи ирыдҳәалоу ауадаҩрақәа рыӡбара ишалаго. 

Ақыҭанхамҩа аминистр Даур Ҭарба араион аҟны ақыҭанхамҩа ахырхарҭақәак финансла реиқәыршәара иазку арбагақәа ааигеит, араса ааӡара, арахәааӡара, ачаи ааглыхра уҳәа убрахь иналаҵаны. 

Ахада иқәгылараҿы иҳәеит хышықәса рыҩныҵҟала иҟаҵоу шмаҷым, аха иҟаҵатәу акыр ишеиҳау. Уи, ҷыдала, иазгәеиҭеит, абиуџьеттә ҧарақәа рныхра арзара хықәкыс измоу Аҧареизакырҭа асистема шаҧҵаз.  Аха ари аусхк аҟны имҩаҧгатәу ахылаҧшра арҕәҕәара зегьы шақәшаҳаҭым. Зегь иреицәаны иҟоу, ҩныҵҟала иҳамоу аиҿыхарақәа шракәу, аҧара ахьыҟоу аҭыҧ аҟны анеира иахьашьҭоу ауп џьоукы, иҳәеит Ахада.

Аҳәынҭқарра Ахада иажәахә аҿы иазгәеиҭеит аҵыхәтәантәи ашықәсқәа рзы аҳәынҭқарра аполитикатәи асоциалтә-економикатәи ҧсҭазаара аганқәак


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT