Аҧсны Аҳәынҭқарра Ахада

 

Ахада Жәлар Реизара - Апарламент ахыбра аҿаԥхьа иеизаз рахь дцәырҵит

05.01.2018

Ажьырныҳәамза 5 рзы Аԥсны  Аҳәынҭқарра Ахада Рауль Ҳаџьымба Г. Лукава Қырҭтәылатәи аган иаҭара инамаданы Жәлар Реизара  - Апарламент ахыбра аҿаԥхьа иеизаз рахь дцәырҵит.

Ахада ҷыдала иазгәеиҭеит идикылаз аӡбамҭа Аконституциеи Аԥсны егьырҭ азакәанқәеи ишырҿамгыло. Иара убасгьы уажәазы апарламенттә комиссиа аусура ишаҿу рылеиҳәеит. Уи Г.Лукава ақырҭуа ган иаҭара иадҳәалоу аматериалқәа ҭырҵаауеит, ари акомиссиа алкаақәа хымԥада хшыҩзышьҭра рыҭахоит.

Уаанӡа Ахада Аԥсны Аҳәынҭқарра Жәлар Реизара  - Апарламент изаамҭанытәим аизара даҭааит, адепутатцәа иреилиркааит Г.Лукава Қырҭтәылатәи аган иаҭара иадҳәалоу аҭагылазаашьеи уи иара дшазыҟоу атәи.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT