Аҧсны Аҳәынҭқарра Ахада

 

Ахада даҭааит Аиҳабыра аихшьаларатә еилатәара

28.12.2017

Ԥхынҷкәынмза 28 рзы Аԥсны Аҳәынҭқарра Ахада Рауль Ҳаџьымба даҭааит 2017 шықәсазтәи аихшьалақәа ирызкыз Аминистрцәа Реилазаара аилатәара.

Аҳәынҭқарра Ахада иазгәеиҭеит Жәлар Реизара – Апарламент ахь Анацҳамҭаҟны иазгәаҭаз ашьаҿақәа зегьы рынагӡаразы активла аусуреи аидгылареи шаҭаху.

«Ииасуа ашықәс мариамызт ҳара ҳзы. Уи зыхҟьаз амзызқәагьы бзианы ижәдыруеит. Урҭ амшцәгьақәеи Приморск ақыҭан иҟалаз амашәыри роуп. Аха ус иагьа иҟазаргьы, ари аҭагылазаашьа хылаԥшра бзиа амоуп. Абиуџьет аиқәыршәарагьы мариамызт. Иҟан гхақәакгьы, уи ҳӡаӡом. Ҳара иаартны ҳрылацәажәоит Аиҳабыреи аҳәынҭқарра анапхгареи рҿаԥхьа игылоу апроблемақәеи адҵақәеи ртәы. Анацҳамҭаҟны иаарԥшуп иҳагуи иҳабзоуи, ҳаԥхьа ишьҭоу аусмҩаԥгатәқәа рыҿҳәарақәеи. Агәра згоит, арҭ азҵаарақәа зегьы рыӡбара ҳалшап ҳәа. Уи азы аидгылареи ҩнапыкла аусуреи роуп иаҭаху», - иҳәеит Ахада.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT