Аҧсны Аҳәынҭқарра Ахада

 

Рауль Ҳаџьымбеи Владимир Путини Ашықәс ҿыци Қьырсаныҳәеи рзы адныҳәаларақәа еимырдеит

27.12.2017

Ҧхынҷкәынмза 27 рзы Аҧсны Аҳәынҭқарра Ахада Рауль Ҳаџьымбеи Урыстәылатәи Афедерациа Ахада Владимир Путини Ашықәс ҿыци Қьырсаныҳәеи рзы адныҳәаларақәа еимырдеит.

Рауль Ҳаџьымба иҟаиҵаз адныҳәалараҟны иҳәоуп:

«Ҳаҭыр зқәу Владимир Владимир-иҧа!

Аҧсны жәлари Аҧсны анапхгареи рыхьӡала гәык-ҧсыкала ишәыдысныҳәалоит иааиуа Ашықәс ҿыци Қьырсаныҳәа лашеи.

Иҳаҩсыз ашықәс азы ҳажәларқәа рыҧсҭазаара аиҕьтәра иазкыз аҧсны-урыстәылатәи аизыҟазаашьақәа еффективла аҿиара иаҿын. Ҳара аихьӡарақәа ҳамоуп ҳаизыҟазаашьақәа ирызку аиқәшаҳаҭра-зинтә шьаҭа аус арҕәҕәараҿы, иҳалшеит атәылахьчареи ашәарҭадареи русхк аҟны аусеицура арццакра, асоциалтә-економикатә ҿиара амҩала ҧхьаҟа ацара.

Сгәы иаанагоит, ҳазҭало ашықәс ази аҧхьаҟагьы Шәара шәнапхгарала Урыстәылатәи Афедерациа мчы змоу, зегьы аӡәк иеиҧш иахьеидгылоу, зҳәынҭқарра иазгәдуу, зҧеиҧш агәра зго ажәлар ахьықәынхо атәыла аҿиара амҩа иацәхьаҵраны иҟаӡам ҳәа.

Даҽазныкгьы иҭабуп ҳәа шәасҳәарц сҭахуп, ҳаҭыр зқәу Владимир Владимир-иҧа, Аҧсны ҷыдала шәазыҟазаашьазы, Шәара хаҭала ҳҳәынҭқарра адгылареи, уи ашәарҭадареи, асоциалтә-економикатә ҿиареи рганахьала шәылшамҭақәа рзы.

Ҳаҭыр зқәу Владимир Владимир-иҧа, аныҳәамшқәа рыламҭалазы ишәзеиҕьасшьоит агәабзиара, аҳәынҭқарратә усураҿы аихьӡара ҿыцқәа, Урыстәыла ажәларқәа зегьы – аҭынчра, аизҳазыҕьара».

Владимир Путин иҟаиҵаз адныҳәаларатә аацҳамҭаҟны, ҷыдала, иҳәоуп:

«Ҳаҭыр зқәу Рауль Џьумка-иҧа,

Гәык-ҧсыкала ишәыдысныҳәалоит иааиуа Ашықәс ҿыци Қьырсаныҳәа лашеи.

Иҳаҩсыз ашықәс урыстәыла-аҧснытәи аимадарақәа ҭышәынтәаланы рыҿиара иазкын. Агәра ганы сыҟоуп, ҳаиашьаратә жәларқәа рыҧсҭазаара аиҕьтәра, Кавказ ахьынӡанаӡааӡо аҭынчра арҕәҕәара, ашәарҭадара, аҭышәынтәалара иазку аидгылареи астратегиатә усеицуреи аҧҵаразы гәацҧыҳәарала ҳусеицура ишацаҳҵо.

Ҳаҭыр зқәу Рауль Џьумка-иҧа, ишәзеиҕьасшьоит агәабзиара, анасыҧ, аихьӡарақәа, Аҧсны атәылауаа зегьы – аҭынчреи аизҳазыҕьареи». 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT