Аҧсны Аҳәынҭқарра Ахада

 

Ахада афымцамч аусзуҩцәа рзанааҭтә ныҳәа рыдиныҳәалеит

22.12.2017

Ҧхынҷкәынмза 22 рзы Аҧсны Аҳәынҭқарра Ахада Рауль Ҳаџьымба афымцамч аусзуҩцәа рзанааҭтә ныҳәа рыдиныҳәалеит.

***

Ҳаҭыр зқәу Аҧсны Аҳәынҭқарра афымцамч аусзуҩцәа, гәык-ҧсыкала ишәыдысныҳәалоит шәзанааҭтә ныҳәа.

Ҳаҧсҭазаараҿы афымцамч аҵакы ахә ашьара уадаҩуп, уи иадҳәалоуп аекономика аҟәшақәа зегьы русура, ҳауаажәлар рыҩнаҭақәа рыҟны аҧхарреи алашареи.

Ҳтәыла афымцамчтә системаҟны ауадаҩрақәа шыҟоугьы, шәара азанааҭдырра ҳаракы аарҧшуа, есҽны аусура дуӡӡа мҩаҧыжәгоит.

«Амшынеиқәафымцамч» аколлектив зегьы, даҽазныкгьы ишәыдысныҳәалоит шәымш, ишәзеиҕьасшьоит агәабзиара, агәамч, аихьӡарақәа шәнапы злаку имариам аус аҿы.      


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT