Аҧсны Аҳәынҭқарра Ахада

 

Аҧсны Ахада Рауль Ҳаџьымба Владимир Путин Аконституциа Амш идиныҳәалеит

12.12.2017

Ҧхынҷкәынмза 12 рзы Аҧсны Аҳәынҭқарра Ахада Рауль Ҳаџьымба Урыстәылатәи Афедерациа Ахада Владимир Путин Аконституциа Амш идиныҳәалеит

***

Ҳаҭыр зқәу Владимир Владимир-иҧа!

Гәык-ҧсыкала Шәаргьы Урыстәыла ажәларгьы ишәыдысныҳәалоит Аконституциа Амш. Есышықәса ари амш азгәаҭара мҩаҧысуеит атәыла азакәан хада амш аҳасабала адагьы, ҳазҭагылоу аамҭазтәи азинтә, адемократиатә ҳәынҭқарра ашьақәгылара амҩаҿы милаҭрацәала иеилоу Урыстәыла ажәлар иахьатәи реихьӡарақәа ирымшуп.

1993 шықәса ҧхынҷкәынмза 12 рзы ирыдыркылаз Урыстәылатәи Афедерациа Аконституциа аполитикатә еизыҟазаашьақәа рсистема ҿыц шьаҭас иаиуит, Урыстәыла атәылауаа рзинқәеи, рхақәиҭрақәеи, рхыдҵақәеи шьақәнарҕәҕәеит.

Исымоу аҭагылазаашьа бзиа схы иархәаны, ишәзеиҕьасшьар сҭахуп агәабзиара, шәнапы злаку имариам аус аҟны аихьӡарақәа, Урыстәыла ажәлар зегьы – аҭынчреи аизҳазыҕьареи.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT