Аҧсны Аҳәынҭқарра Ахада

 

Ахада Алада Уаҧстәылатәи Ареспубликахь иофициалтә визити Аҩада Уаҧстәылатәи Ареспубликахь иусуратә визити хыркәшоуп

28.11.2017

Абҵарамза 28 рзы Аҧсны Аҳәынҭқарра Ахада Аҧсныҟа дхынҳәит Алада Уаҧстәылатәи Ареспубликахь иофициалтә визити Аҩада Уаҧстәылатәи Ареспубликахь иусуратә визити хыркәшаны.

Абҵарамза 26-еи 27-еи рзы Аҧсны Аҳәынҭқарра Ахада Алада Уаҧстәылатәи Ареспубликаҟны иофициалтә визит мҩаҧысуан. Абҵарамза 26 рзы Рауль Ҳаџьымбеи Анатоли Бибилови реиҿцәажәарақәа мҩаҧысит, иара убас инарҭбаау аилазаарала аиҿцәажәарақәагьы аҭыҧ рыман.

Аԥсны Аҳәынҭқарра аделегациа иалан Ахада Иусбарҭа Аиҳабы Даур Аршба, Адәныҟатәи аусқәа рминистр Даур Ақаҩба, Аҵареи аҭҵаарадырреи рминистр Адгәыр Какоба, Ақыҭанхамҩа аминистр Даур Ҭарба.

Аофициалтә визит аҳәаақәа ирҭагӡаны Аҧсны Аҳәынҭқарра Аиҳабыреи Алада Уаҧстәылатәи Ареспублика Аиҳабыреи рыбжьара анапы рыҵаҩын Ақыҭанхамҩа аусхк аҟны аусеицуразы Аиқәшаҳаҭреи Аҧсны Аҳәынҭқарра Аиҳабыреи Алада Уаҧстәылатәи Ареспублика Аиҳабыреи рыбжьара Аҵареи аҭҵаарадырреи русхк аҟны аусеицуразы Аиқәшаҳаҭреи.

Абҵарамза 27 рзы Аҧсны Аҳәынҭқарра Ахада Аҩада Уаҧстәыла-Аланиа Ареспублика Ахада Виачеслав Битаров иааҧхьарала Аҩада Уаҧстәыла-Аланиа Ареспублика усутә визитла даҭааит. Владикавказ ақалақь аҟны Рауль Ҳаџьымбеи Виачеслав Битарови реиҿцәажәара мҩаԥысит, иара убас инарҭбаау аилазааралагьы аиҿцәажәара аҭыԥ аман.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT