Аҧсны Аҳәынҭқарра Ахада

 

Ахада Аҩада Уаҧстәылатәи Ареспублика Ахада Виачеслав Битаров диҧылеит

27.11.2017

Ахада Аҩада Уаҧстәылатәи Ареспублика Ахада Виачеслав Битаров диҧылеит

Абҵарамза 27 рзы Аҧсны Аҳәынҭқарра Ахада Аҩада Уаҧстәылатәи Ареспублика Ахада аамҭала инапынҵақәа назыгӡо Виачеслав Битаров иааҧхьарала имҩаҧигаз авизит аҳәаақәа ирҭагӡаны Владикавказ ақалақь аҟны Аҩада Уаҧстәылатәи Ареспублика Ахада Виачеслав Битаров диҧылеит.

***

Виачеслав Битаров: Рауль Џьумка-иҧа, бзиала шәаабеит ҳәа шәасҳәоит Аҩада Уаҧстәылаҟа. Шәара шәбара еснагь ҳаигәырҕьоит, ҳажәларқәа жәытә-натә аахыс аиашьаратә еизыҟазаашьақәа еимардоит, еилибакаауеит. Иеиуеиҧшым аибашьрақәа раан, Аџьынџьтәылатә еибашьра Дуӡӡоума, Аҧсны жәлар Рџьынџьтәылатә еибашьроума, хатәгәаҧхарала иеибашьуаз ҳарҧарцәа рашьцәа-аҧсуаа ирывагыланы иқәҧон. Алада Уаҧстәылеиҧш, Аҧсынгьы иуадаҩыз аамҭақәа ирҭагылан. Уаҳа уи аҩыза ҟамлааит! Абас еснагь ҳаиҭанеиааины, акультуреи, аекономикеи, егьырҭ аусхкқәеи рҟны ҳаимадарақәа ҳарҭбаалароуп.

Иҭабуп ҳәа шәасҳәоит шәахьаҳҭааз, аамҭа кьаҿла акәзаргьы, шәбара ҳгәы иахәоит.

Рауль Ҳаџьымба: Иҭабуп ҳәа шәасҳәоит ҳахьшәыдышәкылаз. Ҳәарада, ҳаимадарақәа ҿиалароуп. Ҳаҧхьа иааиуаз абиҧарақәа ҳаизыҟазаашьақәа рзы ауасхыр ҕәҕәа шьҭарҵеит. Ҳара жәытә-натә аахыс ҳҵасқәеи ҳқьабзқәеи ааҳгоит. Ҳажәларқәа аиҩызара бзиа рыбжьоуп. Уи азы аҵак ду амоуп иҟоу аимадарақәа еиҳа-еиҳа рырҭбаара.

Ҳаизыҟазаашьақәа рырҭбааразы иҟауҵаша ыҟоуп. Иацы Алада Уаҧстәыла иеиуеиҧшым аиқәшаҳаҭрақәа ҳнапы рыҵаҳҩит. Нхыҵ Кавказ иҟоу ареспубликақәа зегьы ҳрымадазароуп. Ҳашьцәа-ауаҧсаа еснагь шәбара ҳҭахуп.

Аус ахьеицаҳуша аусхкқәа рацәоуп – аекономика, ақыҭанхамҩа уҳәа. Иахьазы Аҧсны активла арҿиара ҳаҿуп акурорттә усхки ақыҭанхамҩеи, уи аҟны Урыстәылатәи Афедерациа ацхыраара ҳанаҭоит. Аха ҳара ҳхаҭагьы иҳамоу алшарақәа ҳарҭбаауеит. Сынтәатәи ҳбиуџьет ҩынтә еиҳахеит ҵыҧхтәиқәа раасҭа, уи умбар залшом.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT