Аҧсны Аҳәынҭқарра Ахада

 

Ахада Алада Уаҧстәыла иҟоу Аҧсны Аҳәынҭқарра Ацҳаражәҳәарҭа даҭааит

27.11.2017

Ахада Алада Уаҧстәыла иҟоу Аҧсны Аҳәынҭқарра Ацҳаражәҳәарҭа даҭааит

Абҵарамза 27 рзы Аҧсны Аҳәынҭқарра Ахада Рауль Ҳаџьымба Алада Уаҧстәылатәи Ареспубликаҿы иҟоу Аҧсны Аҳәынҭқарра Ацҳаражәҳәарҭа даҭааит.

«Излаҳалшо ала Ацҳаражәҳәарҭа аусуразы аҭагылазаашьа аиҕьтәра ҳацхраалоит», - иҳәеит Рауль Ҳаџьымба.

Ахада, ақәҿиарақәа рзеиҕьашьо, агәрагара ааирҧшит Ацҳаражәҳәарҭа имҩаҧнаго аусура аҩҳәынҭқаррак реизыҟазаашьақәа рыҿиареи рырҕәҕәареи шалнаршо.

Алада Уаҧстәылатәи Ареспубликаҿы иҟоу Аҧсны Аҳәынҭқарра Аҷыдалкаатәи Азинмчы змоуи Ацҳаражәҳәаҩ Алан Елбакиев иазгәеиҭеит Ацҳаражәҳәарҭа инанагӡо аусмҩаҧгатәқәа шырацәоу, аҩҳәынҭқаррак рыбжьара активла аусеицура шымҩаҧысуа.

«Агәра шәсыргоит, Аҧсны аинтересқәа Алада Уаҧстәыла ишақәнагоу ишаарҧшу. Адәныҟатәи аусқәа рминистрреи егьырҭ аструктурақәеи ҳареи ибзианы ҳаимадоуп, ҳрылахәуп иеиуеиҧшым ауаажәларра-политикатә хҭысқәа», - иҳәеит Алан Елбакиев.

Абҵарамза 26-27 рзы Аԥсны Аҳәынҭқарра Ахада Рауль Ҳаџьымба Алада Уаԥстәылатәи Ареспубликахь иофициалтә визит мҩаҧысит.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT