Аҧсны Аҳәынҭқарра Ахада

 

Ахада официалтә визитла Алада Уаԥстәылатәи Ареспублика даҭаауеит

24.11.2017

Абҵарамза 26-27 рзы Аԥсны Аҳәынҭқарра Ахада Рауль Ҳаџьымба Алада Уаԥстәылатәи Ареспублика Ахада Анатоли Бибилов иааԥхьарала Алада Уаԥстәылатәи Ареспублика официалтә визитла даҭаауеит.

Абҵарамза 26 рзы аҩ-ҳәынҭқаррак Рхадацәа аиҿцәажәарақәа мҩаԥыргоит. Аҩганктәи аусеицура аҭагылазаашьеи уи ԥхьаҟатәи аԥеиԥши ирылацәажәараны иҟоуп, иара убасгьы аԥсуа-ауаԥс еизыҟазаашьақәа ԥхьаҟатәи рыҿиара азҵаарақәагьы. Авизит аҳәаақәа ирҭагӡаны аҩ-ганктәи аиқәшаҳаҭрақәа рнапаҵаҩра азгәаҭаны иҟоуп.

Аԥсны Аҳәынҭқарра Ахада напхгара зиҭо аделегациа иалоуп Ахада Иусбарҭа Аиҳабы Даур Аршба, Адәныҟатәи аусқәа рминистр Даур Ақаҩба, Аҵареи аҭҵаарадырреи рминистр Адгәыр Какоба, Ақыҭанхамҩа аминистр Даур Ҭарба.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT