Аҧсны Аҳәынҭқарра Ахада

 

Аҧсны Ахада Апатриарх Кирилл Имшира идиныҳәалеит

20.11.2017

Абҵарамза 20 рзы Аҧсны Аҳәынҭқарра Ахада Рауль Ҳаџьымба Апатриарх Москватәии Урыстәыла Зегьтәии Кирилл Имшира идиныҳәалеит.

Адныҳәалараҟны, ҷыдала, иҳәоуп:

«Аҧсны Аҳәынҭқарра анапхгара аҟнытә, сара хаҭала гәык-ҧсыкала Шәымшира ахьӡала сшәыдысныҳәаларц сҭахуп.

Шәара акыр шықәса раахыс Шә-Џьынџь амаҵура мҩаҧыжәгоит итрадициатәу алеишәатә ҵасқәеи еицакра зқәым адоуҳатә идеалқәеи ажәлар рыҧсҭаазараҟны ашьақәырҕәҕәараҿы, амилаҭбжьаратәии адинбжьаратәии аҭынчреи аизыразреи реихаҳараҿы, изызҳауа абиҧарақәа рааӡараҟны алагаламҭа ҟаҵо, ари хьӡи-ҧшеи ирыҧсоуп, аиашазы.

Шәара, хаҭала шәҿырҧшала, адунеи азеиҧшуаатәыҩысатә ҵасқәа, ақәнага, абзиа адгылара рыҭо, анырра ду ашәҭоит ауаажәларра адоуҳатә ҭагылазаашьа арҿыцра.

Гәык-ҧсыкала иҭабуп ҳәа шәасҳәарц сҭахуп Аҧснытәи Аиашахаҵаратә Ныха Шәара есқьынгьы иашәҭо адгыларазы, аҭынчра ашьақәырҕәҕәаразы, азеиҧштә доуҳатә, аҭоурых-культуратә ҭынха аиқәырхаразы.

Сгәы иаанагоит, аиашахаҵара шәышықәсалатәи аҟәыҕара аринахысгьы ҳажәларқәа рыҟазаарази реизҳазыҕьарази доуҳатә-леишәатә мҩақәҵаганы иҟазаауеит ҳәа.

Шәыҧшьаҳаракыра, гәык-ҧсыкала ишәзеиҕьасшьоит агәабзиара, азҩыдара, имҩаҧыжәго анцәамҵзураҟны аихьӡарақәа».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT