Аҧсны Аҳәынҭқарра Ахада

 

Ахада инапынҵа инақәыршәаны, Пицунда-Мысратәи аҳәырҧсарра аҵакырадгьыл аҟны изакәаным аргылара ақәгаразы аӡбара иаднакылаз аусӡбамҭа анагӡарахь ииасит

07.11.2017

Ахада инапынҵа инақәыршәаны, Пицунда-Мысратәи аҳәырҧсарра аҵакырадгьыл аҟны изакәаным аргылара ақәгаразы аӡбара иаднакылаз аусӡбамҭа анагӡарахь ииасит

Жьҭаарамза 31 рзы аӡбаратә ӡбамҭақәа ирыдҳәалоу аилатәараан Аҧсны Аҳәынҭқарра Ахада Рауль Ҳаџьымба Аҧыза-министр напхгара ззиуа аҭакзыҧхықәу аусбарҭақәа зегьы адҵа риҭеит Пицунда-Мысратәи аҳәырҧсарра аҵакырадгьыл аҟны Ерик Хагәышь иитәу изакәаным аргылара ақәгаразы аӡбара иаднакылаз аӡбамҭа анагӡаразы иаҭаху аусмҩаҧгатәқәа рыдыркыларц

Абҵарамза 7 рзы Пицунда-Мысратәи аҳәырҧсарра аҵакырадгьыл аҟны Ерик Хагәышь иитәу изакәаным аргылара ақәгаразы аӡбара иаднакылаз аӡбамҭа анагӡара иалагеит. Амазара аҭаҩра мҩаҧган, аргылара аимыхра иаҿуп.

Аргылара ақәхра аҭыҧ аҟны иҟоуп Аҧыза-министр ихаҭыҧуаҩ Аслан Кобахьиа, Аҩныҵҟатәи аусқәа рминистр Гарри Аршба, Ашәарҭадаратә хеилак Амаӡаныҟәгаҩ Муҳамад Кьылба, Аӡбаратә нагӡаҩцәа рмаҵзура анапхгаҩы Зураб Барцыц, Аиустициа аминистр Марина Ҧлиа.

Апрокуратура Хада Пицунда-Мысратәи аҳәырҧсарра аҵакырадгьыл аҟны изакәаным аргыларақәа рзы иеиуеиҧшым аӡбарҭақәа рахь ашшыҧхьыӡқәа хәба нанашьҭит. Урҭ зегьы рзы ашшрақәа рзыҟаҵан, ахылаҧшра рызузарц азы.

Иреиҳаӡоу аӡбарҭа аӡбамҭала Хагәышь Ерик Александр-иҧа ахылаҧшратә шшразы мап ицәкын.

Аҩаша, абҵарамза 7 рзы аӡбаратә нагӡаҩцәа Хагәышь Ерик иитәу изакәаным аргылара ақәгаразы ирыдыркылаз аӡбамҭа анагӡара иалагеит.

Азинхьчаратә усбарҭақәа аӡбаратә ӡбамҭа анагӡаразы ашәарҭадаразы иаҭахыз аусмҩаҧгатәқәа нарыгӡеит.

Аҩныҵҟатәи аусқәа рминистр Гарри Аршба излааицҳаз ала, 17:00 сааҭ рҟынӡа аҧшәма аамҭа иҭан иргылара еимихырц азы.

Уаанӡагьы Ерик Ҳашба азин алшара иман ихала аҧыргара мҩаҧигарц. Аха уи иара хырҩа азимуит, иҳәеит аӡбаратә нагӡаҩцәа русбарҭа аиҳабы ихаҭыҧуаҩ Сандро Гадлиа. Уи адагьы, аӡбаратә нагӡаҩцәа аҭыҧ ахь ианнеизгьы, аҿагылара ааирҧшит.

17:00 сааҭ рышьҭахь абҵарамза 8 ашьыжь асааҭ 8 инаркны аргылара аҧыргара ацҵаразы аӡбамҭа рыдыркылеит.

Аҩныҵҟатәи аусқәа рминистр иажәақәа рыла, ари аҩыза аӡбамҭа зрыдыркылаз аргылара аимыхраан уи акәша-мыкәша игылоу ареликттә ҧсақәа аҧырхага рырҭар ахьауаз азоуп.

Сандро Гадлиа излеиҳәаз ала, ари зеиҧш ҟамлац усуп. Аргылара аҧыргара ишәарҭоу ҭагылазаашьак ацымкәа имҩаҧысуеит.

IMG_8583.JPG

IMG_8616.JPG

IMG_8661.JPG

IMG_8702.JPG



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT