Аҧсны Аҳәынҭқарра Ахада

 

Рауль Ҳаџьымба Владимир Путин Жәлар ракзаара амш идиныҳәалеит

04.11.2017

Рауль Ҳаџьымба Владимир Путин Жәлар ракзаара амш идиныҳәалеит

Абҵарамза 4 рзы Аҧсны Аҳәынҭқарра Ахада Рауль Ҳаџьымба Урыстәылатәи Афедерациа Апрезидент Владимир Путин Жәлар ракзаара амш идиныҳәалеит.

Адныҳәаларҿы, ҷыдала, иҳәоуп:

«Шәареи Урыстәылатәи Афедерациа милаҭрацәала иеилоу ажәлари ишәыдысныҳәалоит Жәлар ракзаара амш!

Уи ауаа иеицырзеиҧшу ахықәкы ҵоурақәа рызнеира алзыршо акзаара символра азнауеит. Ҧшьышә шықәса инареиҳаны иҵуеит иеиуеиҧшым ашьҭрақәеи, амилаҭқәеи, адинхаҵарақәеи ирыҵаркуа ауаа рҽеидкыланы, рыцҳашьара аазмырҧшуаз аҕа хәымга иҿагыланы, Рыҧсадгьыл ахақәиҭреи ахьыҧшымреи азаагаразы ақәҧараз иангылаз инаркны. Ампыҵахалаҩцәа рҟынтәи зтәыла зыхьчаз аҵеицәа ргәымшәара апатриотизм иаҿырҧшы иашоуп. Иахьа, акыр шықәса раҧхьа еиҧшгьы, аҧсадгьыл аҧеиҧш лаша аиуразы ихадоу аҭыҧ ааныркылоит жәларызегь ракзаареи иеицырзеиҧшу аҭакҧхықәреи. Уи ауп изыбзоурахо аизҳазыҕьара, ахы ақәгәыҕра, ҧхьацара.

Агәра згоит ажәларқәа реиҩызара еихаҳауа, амилаҭрацәа ракзаара рҕәҕәо, рҵаси рқьабзи аҿиара рыҭо ианыҟала аамҭазы аҳәынҭқарра ҕәҕәа аргылара аналыршахо.

Гәыкала иҭабуп ҳәа шәаҳҳәоит, Владимир Владимир-иҧа, Аҧсны асоциал-економикатә ҿиара, арегион аҟны ашәарҭадара ашьақәыргылара, ҳажәларқәа рыбжьара акультуратәи агуманитартәи еимадарақәа рырҭбаара азҿлымҳара ахьрышәҭо.

Ҳаҭыр зқәу Владимир Владимир-иҧа! Урыстәылатәи Афедерациа иқәынхо ажәларқәа зегьи Шәареи ари агәырҕьарамш азы ишәзеиҕьасшьар сҭахуп агәабзиара, аҭышәынтәалара, аҭынч ҧсҭазаара».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT